Presidenti i vendit Bujar Nishani me tagrin e vet si simbol i unitetit kombëtar dhe i respektimit të kushtetutës së Republikës së Shqipërisë, është bërë disa herë objekt i cënimit të vetë unitetit dhe të Kushtetutës së vendit.
Jo më larg se pak orë më parë, Presidenti Nishani ka dekretuar Zgjedhjet vendore për Bashkinë e Peshkopisë të cilat do të zhvillohen më 11 shtator. Deri këtu s’ka asgjë të keqe, përveç një fakti të thjeshtë që do të thotë se pas vendimit të Gjykatës Kushtetuese që rrëzoi kërkesën e ish-kryebashkiakut Shukri Xhelili për t’u rikthyer në detyrë, pritet një afat kohor deri në 15 ditë, kohë kur vendimi shpallet në Fletoren Zyrtare dhe kjo është koha, kur vendimi bëhet zyrtar e kur presidenti dekreton zgjedhjet.
Neni 132 i Kushtetutës së Shqipërisë e thotë shprehimisht se: Vendimet e Gjykatës Kushtetuese kanë fuqi detyruese të përgjithshme dhe janë përfundimtare. Gjykata Kushtetuese ka vetëm të drejtën e shfuqizimit të akteve që shqyrton. Dhe se
- Vendimet e Gjykatës Kushtetuese hyjnë në fuqi ditën e botimit në Fletoren Zyrtare. Gjykata Kushtetuese mund të vendosë që ligji ose akti tjetër normativ.
Me pak fjalë, ky është momenti kur presidenti ka tagrin të dekretojë thirrjet për zgjedhje.
Qeveria e shkarkoi kryetarin e Bashkisë së Dibrës në muajin maj, pas publikimit të një videoje, ku ai shikohej dhe dëgjohej duke kërkuar favore seksuale për një vend pune.
Gjykata pranoi argumentin e qeverisë se materiali filmik ishte një provë e mjaftueshme që ajo të vendoste se Shukri Xhelili kishte cënuar rëndë figurën e zyrtarit dhe besimin tek institucionet.
