Një zjarr i përmasave të mëdha ka përfshirë kodrat e fshatit Grapsh, Dropull i Poshtëm, në Gjirokastër.
Burime për JavaNews raportojnë nga terreni se si pasojë e flakëve janë djegur edhe dy banesa.
Nga djegia e dy banesave nuk raportohen të lënduar, ndërsa dëmet materiale janë të pallogaritëshme.
Mësohet se zjarri rrezikon edhe nënstacionin e Grapshit, 35 kV. Për këtë shkak, OSHEE ka dhënë alarmin për marrjen e masave. JavaNews raporton se për shuarjen e flakëve ka mbërritur gjithashtu edhe një helikopter që po kqyr zonën.
Ndërkohë këmbana e kishës së Grapshit ka dhënë alarmin për të lajmëruar banorët që të mobilizohen.
Autoritetet lokale kanë kërkuar përforcime pasditen e sotme ndërsa zjarri në fjalë është 15 kilometra larg qytetit. /javanews/
