Fenomeni i eksodit të një numri të madh shqiptarësh që kanë lënë shtëpitë e tyre për të shkuar në Gjermani me shpresën se do të fitojnë azil ekonomik është kthyer në një shqetësim të vërtetë si për autoritetet shqiptare ashtu edhe për ato evropiane.
Në deklaratat e tyre, shqiptarët por edhe banorët e zonave shprehen se shqiptarët kanë ikur nga Shqipëria për një jetesë më të mirë. Por cilat janë kushtet në të cilat janë akomoduar shqiptarët?
JavaNeës.al sjell foto ekskluzive nga kampi i azil kërkuesve në Gjermani ku tregohen kushtet në të cilët ata qëndrojnë dhe jetojnë në pritje të përgjigjes së kërkesës së tyre për azil.
Ambientet e jashtme të kampit tregojnë se numri i të strehuarve është shumë i madh.
Të kontaktuar nga redaksia e JavaNeës.al, disa prej tyre tregojnë se kushtet janë shumë të mira dhe se janë akomoduar në disa apartamente të posaçme për azilkërkuesit.
Ndërkohë që shumë prej tyre janë strehuar në kampet dhe çadrat e ngritura për numrin e madh të shqiptarëve. Në këto kampe sipas tyre mund të strehohen deri në 50 persona nën një çadër.
Ndëkohë që fotot dhe videot e siguruara nga JavaNeës.al flasin vetë për kushtet e shqiptarëve.
Fluksi i eksodit javët e fundit është ulur, por ai nuk është ndaluar edhe pas deklaratave të Ambasadorit gjerman në vendin tonë Hellmut Hoffman se të gjithë azilkërkuesit ekonomik do të kthehen në vendet e origjinës.
Eksodi” është kthyer edhe në objekt akuzash dhe kundërakuzash mes mazhorancës dhe opozitës.
Redaksia Online
(JavaNews.al)
