Ata ishin çifti i parë që u larguan nga shtëpia e Big Brother mbrëmjen e së shtunës.
Ademi dhe Ejona kanë qenë një çift të cilët shkaktuan impakt publikut me historinë e tyre të dashurisë. Ajo që la pa fjalë publikun ishte shitja e sendeve të tyre më me vlerë, unazave të martesës dhe byzylykut të nënës së ndjerë për t’u bërë pjesë e shtëpisë së Big Brother.
Të ftuar sot në Fun Club ata u pyetën edhe për mashtrimin, që i bënë familjarëve duke i marrë një sasi të konsiderueshme babait të Ademit për të shlyer disa borxhe.
Ejona ka mohuar të gjitha deklaratat që ka thënë gjatë spektaklit. “Ne kemi para që t’i shlyejmë borxhin vjehrit. Kemi diçka që nuk dua ta them sot. Nuk e kemi bosh llogarinë. Madje kemi para të blejmë dhe një dyshek”
Ejona pohoi se Ademi do rikthehet në punë madje që këtë të hënë./a.m.
