“Ejani, ka hajdutë!” Është kjo telefonata mes lotësh e një të moshuare në polici.
Por në të vërtetë policia zbuloi se nuk kishte hajdutë, por e moshuara që jetonte vetëm, donte thjeshtë të fliste me dikë.
Ngjarja ndodhi pasditen e kësaj të diele në një lagje në Cremona të Italisë.
E moshuara, një vejushë 81-vjeçare, telefonoi në numrin e urgjencës 112, duke lajmëruar se në banesën e saj po ndodhte një vjedhje.
Një patrullë shkoi në banesë, ku pas një verifikimit të rastit, zbuloi se ishte një alarm i rremë.
E moshuara po qante dhe u kërkoi ndjesë policive, duke iu shpjeguar se ishte e ve dhe nuk i takonte prej kohësh fëmijët, të cilët jetonin larg, ndaj donte të fliste me dikë.
Karabinierët e ngushëlluan dhe më tej i ofruan një akullore, duke i premtuar se do ktheheshin sërish ta vizitonin.
