Einxhel Shkira, një nga moderatoret më bukuroshe të ekranit, u rrëfye lidhur me projektet në fushën profesionale, por edhe për jetën private.
Einxhel pranoi për herë të parë që nuk është vetëm.
“E dashuruar, e dashuruar nuk jam, por mund të kem dikë shumë përzemër”, tha Einxhel, e ftuar pasditen e kësaj të marte tek “Rudina”.
E pyetur nëse është njeriu i duhur nga i cili mund të priste një propozim, ajo tha se do ja lërë kohës.
“Nuk e di, duhet t’ja lë kohës, që ta kuptojmë më shumë njëri-tjetrin se nuk besoj që jemi në ato ujëra tani, as unë as personi. Tani jam e fokusuar tek puna. Kur ta bëj atë hap, do e kem ndarë mendjen mirë që të merrem me fëmijë e gjëra të tjera”, u shpreh bukuroshja.
