Autoritetet egjiptiane akuzuan katër punonjës të agjencisë turke të lajmeve “Anadolu Agency”, arrestuar për publikim të lajmeve të rreme mbi Egjiptin.
Në një komunikatë, Ministria egjiptiane e Brendshme theksoi se zyra e agjencisë turke të lajmeve ishte një fasadë për një “bazë hakerash” (…) qëllimi i të cilëve është publikimi i lajmeve të rreme.
Sipas ministrisë, punonjësit e arrestuar po punonin për të deformuar imazhin e Egjiptit.
Katër punonjësit, tre egjiptianë dhe një turk, të cilët po punonin në zyrën e agjencisë në Kajro, u ndaluan me urdhër të prokurorisë, sipas Ministrisë së Brendshme.
Në Nju Jork, OKB-ja, nëpërmjet zëdhënësit Stephane Dujarric, kërkoi sot lirimin e tyre.
Ministria turke e Punëve të Jashtme kishte njoftuar se kishte thirrur të ngarkuarin me çështjen egjiptiane në Ankara për t’i kërkuar shpjegime.
/a.r
