Gjykata e instancës së lartë e Egjiptit, e njohur si Gjykata e Kasacionit, e ka anuluar dënimin me vdekje kundër presidentit të rrëzuar egjiptian, Mohammed Morsi.
Morsi u dënua me vdekje për rolin që kishte në një arratisje masive nga burgu gjatë revolucionit në vitin 2011, transmeton Express.
Ai u zgjodh president në vitin 2012, por u rrëzua nga pushteti nga ushtria pas vetëm një viti, pas protestave në rrugë kundër udhëheqjes së tij.
Morsi është dënuar edhe me burg të përjetshëm për akuzat për terrorizëm, dhe ende përballet me gjykim për akuza të tjera, citohet “Express”. (b.an)
