Kreu i opozitës, Basha i është kundërpërgjigjur kryeministrit Rama pasi ky i fundit e akuzoi, pasi edhe në ditën e rënies në krye të detyrës të një efektivi nuk u solidarizua.
Basha shkruan se PD u solidarizua e para me ngjarjen e rëndë, sapo ndodhi, ndërsa vazhdon më tej duke deklaruar se s’ka gjë më të turpshme që të sulmosh opozitën në një ditë të tillë.
Ndërsa shkruan se në momentin që ndodhi ngjarja, Rama ndodhej në preherin e Metës pa dashur të ia dijë për rendin dhe oficerin e vrarë në Shkodër.
Në fund Basha shkruan se Rama po përdor në mënyrë të turpshme të rënët në krye të detyrës për të mbrojtur lidhjet kriminale të ministrit Tahiri me trafikun e drogës.
Komenti i plotë
S’ ka gje me te turpshme te sulmosh opoziten diten e renies se oficerit ne krye te detyres. Fakt eshte qe PD dhe une u solidarizuam te paret me familjen dhe forcat e policise mbreme sapo ngjarja ndodhi. Kete e beme njerezisht, jo per politike sic e shfrytezon ky sot. Por kur ngjarja e rende ndodhi, kokoshi kishte te tjera halle, kishte hallin e pushtetit ndaj po hidhej e perdridhej ne prehrin e Metes, pa dashur tia dije as per rendin, as per oficerin e rene ne krye te detyres. Tani qe i plasin ne fytyre lidhjet kriminale te ministrit te brendshem mbrohet duke sulmuar opoziten me rrena dhe duke keqperdorur me ligesi perverse te renet ne krye te detyres. Marre e turp per kete Vajmedet kryeminister.
