Nga Fatjon Baze / TemA
Kombëtarja shqiptare do të luajnë më datë 7 shtator ndeshjen e rradhës për eleminatoret e kampionatit Europian kundër kampionëve të Botës, Francës, dhe më 10 shtator kundër Islandës në “Elbasan Arena”.
Dy takime të cilat do të jenë mjaft të rëndësishme për të besuarit e italianit Edi Reja, ku do të përcaktohet edhe fati i kuqezinjve nëse do të kenë ende mundësi për të shpresuar tek një kualifikim i mundësh në fazën e grupeve.
Ne një prononcim ekskluziv për Gazetën TemA, ka folur ish lojtari i njohur i perfaqësues shqiptare Edvin Murati.
43 vjeçari qe jeton në Francë komentoi takimin e parë që Shqipëria do të luajë ndaj “Gjelave” duke u shprehur se pavarsisht mungesa të rëndësishme që ekipi i Dider Deshamp do të ketë në këtë takim, ekipi jonë do ta ketë mjaft të vështirë për të marrë një rezultat pozitiv.
Murati foli dhe për trajnerin e ri të kuqezinjve Edi Rejën si dhe sugjeroi që në ekip duhet që të afrohen dhe të promovohen elementë të rinj.
“Janë dy ndeshje shumë të rëndësishme për Shqipërinë pasi do të përballet me dy kunërshtarë shumë të fortë.
Megjithëse kampionët e botës nuk do të kenë në dispozicion lojtarë si Kylian M’bappe dhe Pol Pogba, sërish përballë tyre do të jetë shumë e veshtirë.
Edi Reja është një trajner me shumë eksperiencë. Afrimi i tij është diçka pozitive për ne.
Unë mendoj se do ishte mirë të provonim elemente të ri në skuadër”, u shpreh Edvin Murati.
Shqipëria bën pjesë në grupin H në eleminatoret e “Euro 2020” dhe renditet në vendin e katërt me gjashtë pikë të grumbulluara.
Kuqezinjtë në katër sfida kanë arritur të marrin dy fitore dhe dy humbje, ndërkohe vendi i parë mbahet nga Franca me nëntë pikë.
