Eduart Ndocajt i ‘troket’ fati, tani pritet të marrë mandatin e Ndokës
Pas arrestimit të Armando Prengës dhe pas dorëzimit të mandatit nga Arben Ndoka, në Parlamentin e Shqipërisë pritet të hyjnë dy deputetë të rinj për Partinë Socialiste, që janë Eduart Ndocaj dhe Kastriot Piroli.
Pas zgjedhjeve Ministrja e Mbrojtjes Mimi Kodheli e ka dorëzuar mandatin e deputetes dhe në vendin e saj duhet të hynte një zonjë. Por në atë kohë Merjeme Delishi dhe Mirela Neli dhanë dorëheqjen “me dëshirë” duke mos pranuar të marrin mandatin.
Vendin e Kodhelit e zuri Arben Ndoka. Tani që në PS-në e Lezhës ndodhi arrestimi i Prengës dhe dorëheqja e Ndokës, dy zonjat nuk kanë të drejtë të marrin mandatin. I pari që do të thirret është Ndrec Deda, i cili ka marrë mandatin e kryetarit të Bashkisë së Mirëditës dhe që ka pak mundësi ta lërë sërish atë.
Në këtë mënyrë dy deputetët “me fat” në gjithë këtë histori janë Eduard Ndocaj dhe Kastriot Piroli. Ndocaj, ish-kandidati i PS-së në Lezhë, ka pasur disa përplasje me kryeministrin Edi Rama dhe kryetarin e Kuvendit Ilir Meta. Ai e ka akuzuar Ramën si bukëshkalë, ndërsa për Metën ka thënë se partia e tij, LSI, ka financuar para të pista gjatë fushatës në Lezhë. Ish-kandidati i PS-së për qarkun e Lezhës në zgjedhjet e 23 qershorit, Eduart Ndocaj, ka botuar disa foto te shkrepura gjatë një dreke me kryeministrin Rama, ministra të kabinetit dhe deputete te PS-se, gjate nje vizite ne Milano, ne Itali, për të cilën thotë se kjo dreke atij dhe vellezerve u ka kushtuar 8 mije euro.
Redaksia Java News/ f.g
