Eduart Ndocaj, thirrje Metës për të marrë mandatin e deputetit
Eduart Ndocaj, i cili është në listën e kandidatëve të majtë për deputet në Lezhë, i ka bërë thirrje kreut të Kuvendit, Ilir Metës që të mandatohet sa më shpejt, pas largimit të dy deputetëve nga Lezha.
Në një letër publike Ndocaj thekson se Lezha ka nevojë për përfaqësim, pasi është me dy deputetë mangut në Parlament.
Pjesë nga letra
“Nuk duhet të harrojmë se sot Lezha ka dy deputetë më pak. I bëj thirrje institucionit të Parlamentit dhe Kryetarit të Parlamentit të ndjek procedurën e krijimit të vendit vakant dhe të zëvendësimit. Këto janë procedura të bazuar në Kodin Zgjedhor dhe në Kushtetutë. Lezhjanë nuk mund të vazhdojnë të jenë të përjashtuar nga përfaqësimi në Parlament.
I bëj thirrje Kryetarit të Parlamentit të mos tentojë të bëjë politikë apo të mbaj inate politike, por të zbatojë ligjin dhe procedurat ligjore për rastin e zëvendësimit të vendeve vakant. Mendoj, se në këto momente të rëndësishme e të vështira të parlamentarizmit të Shqipërisë është në të mirë të Kryetarit të Parlamentit dhe Demokracisë nxitja dhe realizimi i zëvendësimit të mandateve të Qarkut Lezhë”.
