Trajneri i Kombëtares shqiptare, Edi Reja, ka komentuar shortin e hedhur sot për eleminatoret e kampionatit botëror “Katar 2022”.
Shqipëria do të jetë pjesë e Grupit I, ku do të disa përballje mjaft të forta si ajo kundër e Anglisë dhe Polonisë se Levandovskit.
Reja në një pronocim për mediat është shprehur i pakënqur me shortin duke theksuar se ishte grupi më i keq që mund të rezervohej për Shqipërinë.
“Ky është grupi më i keq që mund të na binte. Ai i Kroacisë ishte më i përshtatshëm, ndërsa ai i Danimarkës do të ishte ideali. Është në grup i vështirë, thuajse i pamundur, por ne nuk dorëzohemi. Do luajmë mundësitë tona.
Me Hungarinë është e pamundur që të zhvillojmë miqësore dhe do gjejmë një zgjidhje tjetër për qershorin. Në Ligën e Kombeve kemi bërë mirë, pro duhet të përmirësohemi. Për Anglinë nuk ia vlen të flasim se e njohim.
Ne do luajmë mundësitë me Poloninë dhe Hungarinë. Shpresoj që të tregojmë rritje në ndeshjet tona.
Por shpresoj shumë që kur të fillojmë këto ndeshje, pandemia mund të jetë larguar dhe ne të kemi tifozët tanë, pasi mund të na japin një ndihmë të madhe.
Ne nuk është se nuk do provojmë shanset tona. Ne do tentojmë gjithçka, por është e vështirë.
Nëse do renditemi të tretët, do tregojë se ne kemi rritje. Këto janë ndeshje me rivalë që do na falin eksperiencë. Nëse nuk arrijmë Botërorin, në do bëjmë gjithçka të kemi një skuadër gati për Europianin e 2024. Sot votova si lojtarin më të mirë, uroj të mos jetë shumë në formë përball nesh”, tha Reja./a.p
