Nuk ka pritur shumë kryeministri i vendit. Edi Rama i është përgjigjur akuzave të bëra ditën e sotme nga deputeti demokrat Enkelejd Alibeaj.
Përmes një deklarate në media, Alibeaj i kërkonte kreut të qeverisë të tregonte të vërtetën për kokainën në Maminas dhe për takimin me ish-ministrin e Brendshëm Saimir Tahiri, dy ditë më parë në Tiranë.
Pas kësaj, kryeministri Rama me një postim në “Facebook”, thotë se këto sulme janë pa vizion.
“Sulmet e dy partive për superoperacionin policor antidrogë një pasqyrë e degradimit të opozitës – As lidership, as vizion, as program, as skuadër, as ide, as edukatë, madje as shqipshqiptim e shqipshkrim normal… #Vajmedet kush u beson akoma”, shkruan kryeministri Rama, teksa përcjell edhe reagimin e Ministrisë së Brendshme pas deklaratave të Alibeajt.
