Nga Artur Ajazi
Sali Berisha, doli sërish para kamerave. Ai mezi priste të gjente një “kleçkë” të kapej, dhe të bënte “opozitë” ,e luftën ndaj korrupsionit. E nisi me Ballukun, Ahmatajn, dhe e bitisi me Edi Ramën. Gjithë “strumbullari” sipas tij është kryeministri, “ai bën korrupsionin, ai tenderon rrugët, ai shtyn zyrtarët të abuzojnë me paratë e taksapaguesve, ai e shpall non-grata” etjjj.
Mirë që nuk thotë se “Rama nisi luftën në Ukrahinë”. Kjo pra ishte opozita që premtonte Berisha, kur nisi rrugëtimin kuturru me “Rithemelimin”, dhe kjo është rruga e tij drejt “pushtetit”. Por shqiptarët janë aq inteligjentë, sa të mos besojnë ish-liderin e rikthyer në llogoren e rraskapitur. Edi Rama nuk është Sali Berisha. Nuk është kryeministri që merrte në mbrojtje gardistët, policët, prokurorët, gjyqtarët, zyrtarët dhe militantët, edhe kur ata vidhnin, vrisnin në bulevarde, apo dhe kur grabisnin pronat e shqiptarëve. Sot 90 per qind e atyre që ndjekin Berishën kanë vila, pallate, miliona euro dhe biznese nga Velipoja në Ksamil. Si ka mundësi, që SPAK, godet vetëm majtas ? Të jetë rastësi, apo ndonjë plan konspirativ ?
Gjithçka është e mundur, por që të mbyllësh sytë dhe veshët, ndaj atyre që ç’nuk bënë për vite me rradhë me pushtetin, dhe të merresh me “çingrraminga” rrugës, kjo sikur nuk shkon. Edi Rama nuk është Sali Berisha. Ai nuk merr në mbrojtje asnjë deputet, asnjë drejtor policie apo shef komisariati, ai nuk merr në mbrojtje as njeriun e tij më të afërt të partisë apo pushtetit, sepse ligji është i barabartë për këdo. Këtë nuk e ka bërë kurrë sa ishte në pushtet Berisha, dhe premton ta bëjë “kur të marrë sërish pushtetin”….
Qesharake. Është njëlloj sikur ti besoje Ramiz Alisë (idhullit tij) se do të ndryshonte dhe do të bëhej nga komunist në demokrat. E dimë se si e katranosi demokracinë Sali Berisha, ashtu siç e dimë se si e “shtrydhi” pushtetin, dhe pasuroi gjithë klanin e tij, që sot ndjehet me siguri absolute para drejtësisë së re. Por përse vallë, përse SPAK qëndron kaq heshtur para bëmave të milionerëve të Partisë Demokratike, përse deri sot nuk kemi parë qoftë edhe 1 ish-ministër apo drejtor të ish-qeverisjes së Berishës apo vetë ish-kryeministrin e asaj kohe, të thirret dhe të japë llogari për korrupsionin, vrasjet e 21 Janarit, Gërdecin, etjjjjj.
Edi Rama nuk është Sali Berisha. Ndaj dhe shqiptarët mezi presin zgjedhjet e reja, ti konfirmojnë edhe njëherë atij besimin e tyre të patundur në rrugëtimin qeverisës, në plotësimin sa më shpejt të kushteve pas hapjes së negociatave me BE, për të mos u rikthyer më në “ tranzicionin mesjetar” të një partie të shpartalluar, dhe një ish-lideri të dështuar.
