Nga Artur Ajazi
Aq shumë u mërzit Nano me të vetët kur ishte 8 vite kryeministër, aq sa kishte thënë një ditë të bukur “prisni edhe pak sa te vijnë zgjedhjet”. Ishte qametosur me ata që nuk linin gjë pa bërë në emër të tij, ishte inatosur me ata që bënin korrupsion, kontrabandë, dhe vjedhje të tjera porteve, pikave kufitare dhe mes Tiranës, dhe nuk “u hynte një gjemb në këmbë”. Nano kishte folur shumë, madje i kishte telendisur edhe në mbledhje qeverie, partie, KPD-je, por nuk po gjente derman. Ata ishin bërë shumicë, kishin abuzuar nën emrin e PS, nën emrin e Nanos, nën miqësinë me kryeministrin liberal, dhe e kishin mbushur kupën.
Natyrisht, një kryeminister që nuk i del Zot një situate të tillë, rradha i vjen zgjedhjeve pa interes. Dhe dihet se si erdhën punët. Berisha erdhi sërish në pushtet, edhe pse mbi të rëndonin 1997, piramidat, vrasjet dhe shkaterrimi shtetit. Fati i keq i Nanos, e donte se në kohën e tij kur qeveriste, drejtësia ishte një moçal, një kënetë, tek e cila politika ishte zhytur e gjitha. Berisha kishte asokohe tentakulat e tij në prokurori, gjykata, polici, dhe strukturat e tjera ku mbijetonin akoma “plepaxhinjtë”. Por Edi Rama, fatmirësisht nuk është Fatos Nano. Edi Rama, nuk u jep shansin të mbrohen në gjirin e Partisë Socialiste asnjë nga ata që vjedhin, abuzojnë, trafikojnë, kontrabandojnë, dhe u vërtetohen lidhjet me grupet kriminale. Edi Rama, u betua sa erdhi në pushtet, “o e bëj këtë vend me shtet e ligje, o nuk rri asnjë ditë kryeminister”.
U bë shteti sa erdhi ditën e pare si kryetar qeverie, u bë drejtësia, u bënë reforma rradikale në çdo institucion dhe fushë jetike të ekonomisë, arsimit, policisë, ushtrisë, u bë dhe vazhdon të thellohet reforma në drejtësi. Me Edi Ramën, nuk ke shans të kërkosh “mbledhje partie dhe qeverie” kur ke vjedhur, kur ke zhvatur para investimesh, tenderash, kur je lidhur me grupe kriminale, dhe kërkon avokaturë nga PS-ja. Jo, me Edi Ramën, je komplet i lirë në duart e organeve të drejtësisë, dhe i përjashtuar përjetësisht nga radhët e PS. Këtë nuk e bënte dot Fatos Nano, edhe sikur të kishte SPAK-un në ato kohë. Por i mësuar me Nanon, kreu i PD sotme Berisha, kujton se mund të ripërsëritet 2005
Duhet të jetë më tepër se naiv si politikan, që shprehet dhe ndoshta edhe e beson se, “mund ta fitojë pushtetin aq lehtë përballë një Edi Rama në 2025”, që sa vjen dhe rritet në imazh si brenda dhe jashtë vendit. Natyrisht Berisha e di fare mire se, me Ramën kryeminister, aq më tepër me një kryeminister që ka kryer aq punë në Shqipëri, aq askush nuk do ti kishte menduar, nuk përballet kollaj. Berisha po hyn në fushatën e 2025 me imazhin e Fatos Nanos, dhe harron se ka përballë 2 metroshin Edi Rama. Shqipëria sot gjendet në garën e madhe të integrimit europian, gjendet në furinë e madhe të megainvestimeve që po e transformojnë në fuqi dinjitoze në NATO, dhe BE. Nuk mund ta ndalë “uraganin” socialist, një parti e shpartalluar, dhe një kryetar në pension i saj.
