Intervista e plotë e kryeministrit Edi Rama dhënë në SHQIP me Rudina Xhungën në Top Channel:
-Zoti Rama miresekeni ardhur. Çfarë vizite ishte kjo e Gjermanisë?
Ishte një vizitë e kombinuar pune si kryeministër në një këmbim që kemi nisur me landin e Baden Wurttemberg për disa projekte të përbashkëta dhe pastaj si artist i ftuar për të çelur një galeri në një ekspozitë shumë prestigjioze në Berlin.
Mund të më ndihmojë regjia me disa foto të botuara të cilat ju i kishit sot ne facebook gjatë vizitës në Gjermani. Në të gjitha fotot vërehen takimet tuaja me gjermanë, nuk shoh shqiptarë nga ata që janë me shumicë në Gjermani dhe kërkojne azil. Ju nuk takuat shqiptarë, nuk patët takime me shqiptarë.
Kam takuar jo pak shqiptarë, por nga ata që kishin ardhur për të marrë pjesë në ekspozitë.
Sepse sot lideri i opozitës Basha ju quan kryeministri turist i një populli refugjat.
Tani që po mbaron sezonin turistik si kryetar i bashkisë së Tiranës është një person kompetent për të folur për turizmin.
Ikim nga turizmi dhe ngelemi tek azili. E di se çfarë vërehet? Që shumica e pyetjeve sot në facebook që vijnë nga Gjermania kanë të bëjnë me lutjen: “Ju lutem na ndihmoni të mos na kthejnë”. Do të doja që ju sot t’i drejtoheshit këtyre njerëzve, do të kthehen? Do të kthehen dhe çfarë do të ndodhë, nuk do të kthehen më. A ka një mesazh për këta njerëz që janë në hall?
Së pari, le të jemi të vërtetë me njëri tjetrin dhe ta shikojmë në sy njeri tjetrin. Lëvizja e lirë në Shqipëri, si në të gjitha vendet ku ra regjimi i vizave është shoqëruar me një fluks përpjekjesh për të shkuar dhe për të kërkuar një jetë më të mirë jashtë Shqipërisë dhe përgjithësisht në perëndim. Nuk është një fenomen shqiptar, nuk është një fenomen i ri. Po të shikojmë shifrat në rajon, sot, Serbia ka dyfishin e fluksit të lëvizjeve pas rënies së regjimit të vizave në raport me Shqipërinë. E, po t’i referohemi lëvizjeve migratore nga të gjitha vendet ish komuniste që iu bashkuan BE dhe që janë lëvizje me synim përfitimin në tregun e përbashkët të punës, bëhet fjalë për miliona.
Thënë kjo, në këto javë jemi gjetur përpara një ngjarjeje pa lidhje me fluksin migrator, që është i natyrshëm për të gjitha vendet ku ka rënë regjimi i vizave. Kjo ka qenë e lidhur drejtpërdrejtë me një spekulim të madh. Një spekulim i madh, i bazuar apo që ka keqpërdorur një fakt. Gjermania,- dhe për këtë arsye flukset e këtyre javëve kanë qenë të drejtuara në Gjermani,- ka bërë kërkesën për 45 mijë të huaj, por ama bëhet fjalë për të huaj që zotërojnë zanate shumë specifike, që janë të nevojshme për tregun e punës në atë vend.
Nuk bëhet fjalë për hapje dyersh për të mikpritur dhe për të integruar njerëz që shkojnë atje për arsye ekonomike. Për këtë arsye shanset për të shkuar në Gjermani, siç janë bërë të ditur nga pala gjermane në mënyrë të përsëritur dhe siç janë bërë edhe nga ne të qarta, janë zero.
Ky manipulim me nevojën e njerëzve për një jetë më të mirë që është më shumë se sa e kuptueshme dhe nuk është rezultat i qeverisjes sot në Shqipëri, nuk duhet të bëhet në asnjë mënyrë një arsye që njerëzit të tentojnë dhe të shkojnë atje për të kërkuar azil, sepse shanset janë zero. Kthehen më të varfër se ç’u nisën, sepse i shpenzojnë dhe ato para duke ua paguar atyre elementëve kriminalë, që synojnë të shfrytëzojnë nevojën e njerëzve për një jetë më të mirë.
Këta elementë kriminalë është përgjegjësia juaj si shet, si Kryeministër i Shqipërisë, t’i kapë, t’i ndëshkojë, t’i dënojë?
Pa dyshim, janë kapur dhe janë ndëshkuar disa. Nuk behet fjalë në Shqipëri, siç ishte rasti në Kosovë për struktura të evidentuara dhe të dukshme. Bëhet fjalë për shumë marrëdhënie të ndërmjetme individuale dhe është e kotë besoj unë, që këtë fenomen ta lidhim me një kataklizëm apo apokalips dhe është e turpshme, është e neveritshme këtë që po ndodh ta lidhim me qeverisjen e vendit, sepse ky fluks i panatyrshëm i këtyre javëve, tani është në rënie, ka shumë më pak përpjekje për të lëvizur drejt Gjermanisë. Do të bjerë fare. Do të rikthehemi në trendin natyral. Atëherë çfarë do të themi? Do të themi që u rrit ekonomia dhe iu plotësuan nevojat e njerëzve për një jetë më të mirë këtu? Jo. Siç është spekulim të thuash kjo ndodh se s’ka më shpresë se këtu çdo gjë ka marrë fund, se këtu nuk ka më të ardhme, është spekulim të thuash se erdhi shpresa për të gjithë se tani dhe këtu të gjithë po shohin të ardhmen dhe fluksi ra. Pra, ky është një moment tërësisht artificial.
Që do të ketë një moment fund, siç pati një fillim jo normal
Është drejt fundit nga pikëpamja e lëvizjes së panatyrshme flas. Kurse fluksi i lëvizjes drejt vendeve të BE dhe përpjekjet e njerëzve për të shfrytëzuar lëvizjen e lirë, pavarësisht se janë përpjekje që nuk kanë shans të përfundojnë me sukses në formën e azilit, nuk është ndalur në asnjë vend dhe nuk do të ndalet as në Shqipëri.
Ndiheni përgjegjës zoti Rama për njerëzit që ikën, qoftë edhe të gënjyer, të mashtruar, por ikën se nuk është puna se nuk kanë shpresë, por nuk kanë punë, nuk kanë jetë.
Unë do të ndihesha përgjegjës në rast se në 18 muaj qeverisje Shqipëria nuk do të ishte duke ecur në rrugën e duhur, në rast se në 18 muaj qeverisje do të ishte duke u thelluar në rrugën e rrënimit ku ne e gjetëm, në rast se hemorragjia në të gjithë sektorët e vendit do të ishte duke vazhduar, në rast se borxhet ndaj kompanive do të ishin duke u thelluar, në rast se borxhi publik do të ishte duke u thelluar, në rast se ilaçet në spitale do të vazhdonin të mungonin dhe në rast se gjithashtu kërbaçi ndaj kompanive do të vazhdonte për t’u marrë përmes gjobave abuzive paratë e fundit nga xhepi, në rast se punësimi do të ishte në rënie, në rast se të ardhurat do të ishin në rënie, në rast se sot të kishim kolapsin energjetik, dhe praktikisht do të kishim falimentin e sektorit energjetik dhe në rast se sot të kishim ende në të anët e Shqipërisë ndërtime pa leje që do të vazhdonin për qefin e tyre dhe në rast se do të kishim në një vit të vetëm mbi 10 mijë legalizime dhe falas për ata që presin të legalizohen prej 20 vitesh, në raport me 8 vite e qeverisë së mëparshme. Pra, në rast se do të ishim në kushtet kur pavarësisht ndryshimit të qeverisë do të ishte duke vazhduar hemorragjia në të gjithë sektorët, Shqipëria do ishtë duke vazhduar të ecte në drejtimin e gabuar, atëherë po unë do të ndihesha përgjegjës.
Zoti Rama, për të njëjtën Shqipëri flisni dhe ju dhe këta njerëz që ikin në Gjermani? Ata kanë probleme punësimi..
Kush e tha dhe kush e pretendoi që Shqipëria mbas 18 muaj nuk do të kishte probleme punësimi. Kush e tha dhe kush e pretendoi se në 18 muaj një qeveri mund t’i kthente vendet më të varfra të vendit në zona të shpresës dhe në zona ku njerëzit nuk do të donin të largoheshin, sepse papritur puna i kishte rënën nga qielli. Kush e tha që varfëria kjo plagë e tmerrshme e hapur në 20 e kusur vite, batërdi e shkallmim të të gjithë themeleve të shtetit, do të zhdukej brenda 18 muajve?
Çfarë do të ndodhte në këto 18 muaj që do t’i mbante këtu ?
Ajo që duhet të ndodhte në 18 muaj po ndodh; Që vendi të merrte kthesën siç e ka marrë në drejtimin e duhur; që hemorragjia në sektorët e ndryshëm të ndalojë dhe që të fillonte periudha e një operimi të shëndetshëm. Jemi akoma në fazën e një operimi. Nuk mundet dot që në një sallë operatore t’i thuash trupës që operon pse nuk po vrapon personi që është i shtrirë këtu dhe ç’është ky bark i hapur? Sepse, Shqipëria, pas njëzet e kusur vitesh rrumpallë ka nevojë të bëjë shtetin. Shteti nuk mund të ndërtohet në 18 muaj. Korrupsioni nuk mund të zhduket në 18 muaj, varfëria jo e jo, papunësia padyshim që jo e kështu me radhë. Të mos harrojmë që nuk jemi duke qeverisur në një periudhë lumturie europiane, nuk jemi duke qeverisur në kushtet kur në vendet fqinje shqiptarët jetojnë normalisht me punën e tyre dhe vazhdojnë e çojnë para në shtëpi, sepse si shqiptarët e Greqisë dhe si shqiptarët e Italisë që janë burimet kryesore për vendin tonë sot janë shumë në hall dhe janë po aq në hall, në shumë raste, sa shqiptarët këtu për jetën e tyre. Ndaj, këto janë spekulime njerëzitsh që nuk duan t’ia dinë fare për të vërtetën dhe mbi të gjitha njerëzish që nuk kanë haberin fare të punës dhe shtetndërtimit.
Zoti Rama, një anëtar i rëndësishëm i partisë tuaj si Ben Blushi nuk ia ka haberin e shtetndërtimit nëse flet për mungesë të rezultateve në qeverisjen tuaj, varfëri dhe rënie ekonomike?
Unë sot kam marrë, para se të vija këtu një dokument të prodhuar nga një trupë tërësisht e pavarur prej qeverisë. Një trupë që, i ka shkaktuar dhimbje koke në mënyrë të vazhdueshme qeverisë në Shqipëri dhe në të kaluarën, një trupë që në mënyrë të vazhdueshme edhe në raport me ne ka qenë shumë këmbëngulëse dhe shumë kërkuese, që është Dhoma Amerikane e Tregtisë. Dhoma Amerikane e Tregtisë publikon çdo vit një indeks të situatës ekonomike. Unë, – meqë për lajmet e këqija kemi shumë njerëz që i japin, meqë për shifrat e shtrembëruara apo tërësisht të pavërteta kemi shumë njerëz që na i thonë, – po i referohem shumë pak rezultateve të indeksit të Dhomës Amerikane të Tregtisë. Nëse shikojmë te klima e përgjithshme e biznesit do të shikojmë se klima e përgjithshme e biznesit, e cila në vitin 2013 vlerësohet me 33.4 pikë, në vitin 2014 me 39 pikë dhe për vitin 2015 vlerësohet si pritshmëri me 45 pikë. Pra, kemi një klimë biznesi që shkon në drejtimin e duhur. Nëse i referohemi reformave ekonomike dhe politikave të qeverisë, përsëri nga një trupë e pavarur nga qeveria, kemi 38 pikë në vitin 2013, 41.8 pikë në vitin 2014, me një pritshmëri 49.03 pikë për vitin 2015.
Blushit të mos i përgjigjet Dhoma Amerikane e Tregtisë sot, unë do të doja një përgjigje nga ju
Unë nuk komentoj komentatorët. Unë jam këtu për të folur mbi shifra, mbi fakte, mbi prova nga burime të ndryshme të cilat janë nga burime të ndryshme. Këtu bëhet fjalë për një dhomë tregtie që organizon një indeks shumë serioz dhe profesional dhe që na ka dhënë disa shifra, për performamcën e ekonomisë, po Dhoma Amerikane e Tregtisë dhe është lajmi i ditës së sotme; 30.2 pikë në 2013, 40.1 në vitin 2014, me pritshmëri 49. 27 pikë në 2015. Pra, kemi 19 pikë rritje në vlerësimin e performancës së ekonomisë dhe kjo vjen nga sipërmarrja. Nga sipërmarrje reale, nga ata që krijojnë vende pune, nga ata që prodhojnë, nga ata që tregtojnë, nga ata që paguajnë taksa. Nuk vjen nga sehiri i atyre që në mënyrë të vazhdueshme fabrikojnë një realitet tërësisht vicioz për arsyet e tyre, e kam fjalën këtu për opozitën.
Çfarë thotë Dhoma Amerikane e Tregtisë, që ndërton një indeks bazuar mbi gjithë prurjet e informacionit nga biznesi? Thotë që për mallra dhe shërbime vlerësohet në vitin 2013 me 45.5 pikë, për 2014 me 51.6 pikë dhe me pritshmëri 56.8 pikë për vitin 2015. Këtu jemi përsëri në një rritje, që do të thotë kërkesa për mallra dhe shërbime d.m.th kërkesa për konsum. Kjo domethënë rritje e fuqisë blerëse. Në përfundim, te punësimi. Bëhet spekulim skandaloz me punësimin. Që në Shqipëri ka pasur 1 mln të papunë kur ne thoshim se janë 1 milionë të papunë, kjo është mëse e vërtetë. Boll t’i referohemi censusit të 2011, që na e dha papunësinë me rreth 30%, pavarësisht shifrave të INSTAT-it të Saliut që i shkruante shifrat e punësimit në zyrë.
Sa janë punësuar sipas INSTAT-it tuaj?
Sipas Dhomës Amerikane të Tregtisë ndryshimet në punësim nga 2013 në 2014 nëse vlerësohej me 51.5 pikë, tani vlerësohen me 53.8 pikë. Ndërkohë nuk kemi nevojë për shumë spekulime. Na mjafton vetëm numri i njerëzve që sot janë në punë. Në vitin 2013 numri i të punësuarve ishte 956 707, në 2014 numri i të punësuarve shqiptarë, me emër, me mbiemër, me gjini nga mosha mbi 15 vjeç është 1 milionë 039 336. Pra, janë 92.629 shqiptarë më shumë të punësuar në një vit.
Janë njerëz që kërkojnë punë. Probleme papunësia që nuk përkthehen në shifra dot..
Nuk përkthehen në shifra? Po në carë përkthehen? Që në Shqipëri ka papunësi, po e zbulojmë sot?
Nëse e shihni nën jorganin e politikës së mbrapshtë të shtrembërimit të të vërtetave, patjetër do të gjeni papunësi të madhe, në rritje. Nëse e shikoni në pasqyrën e shifrave, po ju them që janë 93 mijë e disa qindra njerëz më shumë të punësuar. Të papunë ka në Shqipëri? Jo ka, por ka shumë. Dhe çfarë po bën qeveria? Qeveria po lufton me mish e me shpirt që të rrisë punësimin. Ndërkohë, pikërisht se qeveria po lufton me mish e me shpirt që të rrisë punësimin, pikërisht sepse qeveria ka dhënë shenja të qarta se është në këtë betejë, kemi një rritje të kërkesës së njerëzve për punë që regjistrohen realisht.
Ju jeni duke folur për njerëz, unë po flas me shifra pikërisht për njerëz. Këto shifra janë njerëz nuk janë numra. Po ju them që rritja e papunësisë shifrore përkon gjithmonë me një rritje të punësimit, sepse shtohet numri i njerëzve që regjistrohen për punë. Kemi shumë më tepër sot njerëz që regjistrohen për punë sesa ç‘kishim dje. E kuptoni? Është shumë e thjeshtë?
Janë hapur fronte pune në Shqipëri?
Po këta 93 mijë njerëz ku janë?
Ku punojnë?
Punojnë në manifakturë, punojnë në veprimtari prodhuese, në tregti, në bujqësi e me radhë. Sepse kemi një shifër që është rezultat i vendeve të reja të punës dhe rezultat i luftës me skllavërinë.
Sot, kjo qeveri ka krenarinë që të thotë se në 1 vit i kemi shpallur një luftë të paepur skllavërisë së punës në të zezë. Sot kemi 93 mijë e disa qindra njerëz që sot figurojnë të punësuar.
I kërkoj regjisë të më shoqërojë me disa foto të qyteteve kryesore në vend si Korça, Gjirokastra, Lushnja, Durrësi, Kruja, Berati, Divjaka, Selenica, ku kam qenë vetë e kam xhiruar transformimet. Është një punë voluminoze, një nga punët e bukura të Shqipërisë, por kam takuar njerëz që ankohen për papunësinë.
Jeni lodhur shumë për t’i takuar?! Njerëz që ankohen për papunësinë dhe njerëz që janë objekt i betejës sonë nuk janë aq sa takoni ju, nuk janë aq sa takoj unë, nuk janë aq sa mund të takojmë ne të gjithë sëbashku, janë shumë më tepër se aq. Por, është realisht një spekulim i turpshëm që këta njerëz që prej vitesh vuajnë rrënimin e Shqipërisë, që prej vitesh vuajnë mungesën e shtetit në Shqipëri, prej vitesh vuajnë mungesën e një sjellje të politikës me vëmendje ndaj tyre sot të tregohen sikur janë produkt i qeverisjes sonë.
A ka mirëqenie në këto qytete që janë zbukuruar, ju keni vënë dorë estetikisht?
Ç’domethënë zbukuruar? Se edhe kjo është një qasje mizërabël ndaj ndryshimit. Unë kam besuar dhe besoj; historia e botës e tregon se transformimet urbane janë transformime që sjellin me vete rritje të cilësisë së jetës dhe sjellin me vete rritje të fuqisë komunitare.
Gjirokastra. Pafund njerëz që ankohen në këtë qytet. Një nga qytetet më të rëndësishme të Shqipërisë.
Ankohen për këtë punë apo ankohen se janë pa punë?
Ku është lidhja?! Nëse i pyesni për atë punë që është bërë atje …
Nuk do të gjeni në Gjirokastër, ose do gjeni me siguri se ka kudo anëtarë të PD, po nuk do të gjeni dot njerëz normalë që do të thonë pse u bë kjo punë, ç’na duhet kjo punë, ne duam bukë, ne s’duam rrugë, ne s’duam shesh, ne s’duam gjelbërim, ne s’duam cilësi jete e kështu me radhë. Ky është vetëm fillimi i një transformimi të madh që do të pasohet pas 21 qershorit me një fuqi të re, sepse këto janë produktet e kantierit të Rilindjes Urbane. Kantieri i Rilindjes Urbane nuk është një kantier thjesht e vetëm për të bërë sheshe e qytete, por janë kantiere që shtrihet nga sheshet e këtyre bashkive, që janë zemrat e 61 bashkive të reja, në mënyrë kapilare drejt gjithë territoreve ku njerëzit kanë 20 e kusur a vite që jetojnë dhe nuk kanë parë një dritë me sy, nuk kanë parë një trotuar me sy, nuk kanë parë një shesh me sy, sepse janë lënë në mizerabilitet të degradimit të atyre që bëri komunizmi dhe janë gënjyer vetëm me asfalte elektorale dhe me ato ndihmat ekonomike militante dhe tërësisht të padrejta.
Burg për ata që s’paguajnë energjinë, sekuestrim për ata që s’paguajnë energjinë. Në shtator do të bëhet dy vjet Edi Rama Kryeministër, çdo të mbetet? Pamja e këtyre qyteteve të ndryshuara, reforma apo frika e burgut për të varfrit?
Më falni, po ky është një spekulim shumë i madh dhe unë këtu, jo padashje kam marrë shifrat. Sot, ne kemi arritur të ndalim hemorragjinë në sektorin energjetik. Ishim në prag falimenti. Është e njohur që për tragjeditë që nuk ndodhin sepse frenohen, nuk flet kush, por neve na takon të flasim për të thënë se është frenuar një tragjedi kombëtare, një kolaps i sistemit, jemi futur në kthesë dhe jemi në drejtim e duhur. Kemi mbi 350 mijë familje apo biznese konsumatorë që janë futur në marrëveshje me kompaninë. Ndërkohë, e gjithë tymnaja, i gjithë spekulimi, i gjithë ky mashtrim i madh për t’i hedhur hi syve të një publiku që në masë, përtej masës që mbështet mazhorancën tonë, e mbështet reformën në energji, e mbështet operacionin në energji. Shikoni çfarë shifrash ka. Në këtë sektor janë arrestuar në flagrancë vetëm 1030 persona. 1030 persona prej të cilëve 790 janë biznese, janë pronarë biznesesh apo lokalesh dhe vetëm 240 janë familjarë. Ky është i gjithë bilanci i gjithë këtij spekulimi, burg, burg, burg. Por nga ana tjetër, kush vjedh energjinë e elektrike, kush kujton e sillet se është më i mençur se të tjerët që e paguajnë atë një më një, patjetër që nuk mund të trajtohet sikur po bën ndonjë akt të pranueshëm. Është vjedhje dhe si çdo vjedhje është ndëshkuar e do të ndëshkohet deri në fund, sipas Kodit Penal të Republikës së Shqipërisë. Ama, shikojini shifrat. Ka turp më të madh mbi bazën e këtyre shifrave dhe po të shikojmë rezultatet, sepse ndërkohë janë mbi 80% – dhe unë jam mirënjohës shqiptarëve- që e mbështesin reformën në energji, që e mbështesin operacionin e qeverisë, që e mbështesin ngritjen e shtetit, me gjithë sakrificat që kjo kërkon, me gjithë punën që kjo kërkon, me gjithë kohën që kjo kërkon. Këta janë shqiptarët, të cilët e dinë fare mirë që duhet të bëjmë shtet, që të kërkojmë pastaj që shteti të bëjë shumë më tepër për ne, që energjia të na vijë në mënyrë të rregullt, në mënyrë cilësore, që kujdesi për klientin të përmirësohet.
Sa kohë do ju duhet me të tilla, reforma të rënda e të vështira për të bërë shtet, që shteti t’i shërbejë pastaj qytetarëve të vet?
Unë ju siguroj se përsa më takon, qeveria në të gjithë sektorët është duke ecur sipas planit dhe këtu do të jemi dhe do të flasim përsëri. Por, ama, sot që flasim jemi gjatë operacionit, nuk jemi në kushtet kur ne të themi e kryem operacionin, ja ku u ngrit në këmbë i sëmuri, është shëndoshë e mirë dhe mund të vrapojë sa të dojë. Ne nuk po themi këtë. Unë e kam thënë në mënyrë të përsëritur nuk kemi shkop magjik, nuk dimë ndonjë histori transformimi nga ajo gropë e madhe ku ne e gjetëm vendin, në atë vend të shpresave dhe të ëndrrave të të gjithë njerëzve që mund të bëhet në 18 muaj.
Ata që e futën vendin në gropë mos janë përballë jush, zoti Rama?
Ata që e futën vendin në gropë janë ata që na dalin përditë dhe kakarisin përditë, duke kërkuar llogari nga ne, për të gjitha gropat që i hapën vetë.
Epo bravo i qoftë, përderisa janë përballë dhe jo në ndonjë gropë tjetër.
Sesa “bravo i qoftë” është kjo, këtë lëreni ta vendosin shqiptarët. Unë mendoj që nuk është “bravo i qoftë”. Ky është një zvetënim politik e moral, për të cilin ka një gjykatë speciale që është gjykata e votës së shqiptarëve dhe këtë votë do ta shkojmë në vitin 2017 për gjithçka që i takon qeverisë shqiptare.
Përse nuk do të jetë test 21 qershori?
21 qershori, ja ku jemi këtu, ne do t’i fitojmë zgjedhjet, por mua nuk do të më shikoni duke thënë se ky ishte testi ynë i madh. Do të më shikoni duke thënë vetëm një gjë; jemi në drejtimin e duhur. Sepse nuk ka shqiptar të arsyeshëm, nuk ka familjarë të logjikshëm, nuk ka sipërmarrës që ia di punës që të mos e ndjejë, në mos e kuptoftë 100%, që jemi në drejtim e duhur.
Sot, kjo qeveri ka krenarinë që të thotë se në 1 vit i kemi shpallur njw luftë të paepur skllavërisë së punës në të zezë. Sot kemi 93 mijë e disa qindra njerëz që sot figurojnë të punësuar.
I kërkoj regjisë të më shoqërojë me disa foto të qyteteve kryesore në vend si Korça, Gjirokastra, Lushnja, Durrësi, Kruja, Berati, Divjaka, Selenica, ku kam qenë vetë e kam xhiruar transformimet. Është një punë voluminoze, një nga punët e bukura të Shqipërisë, por kam takuar njerëz që ankohen për papunësinë.
Jeni lodhur shumë për t’i takuar?! Njerëz që ankohen për papunësinë dhe njerëz që janë objekt i betejës sonë nuk janë aq sa takoni ju, nuk janë aq sa takoj unë, nuk janë aq sa mund të takojmë ne të gjithë sëbashku, janë shumë më tepër se aq. Por, është realisht një spekulim i turpshëm që këta njerëz që prej vitesh vuajnë rrënimin e Shqipërisë, që prej vitesh vuajnë mungesën e shtetit në Shqipëri, prej vitesh vuajnë mungesën e një sjellje të politikës me vëmendje ndaj tyre sot të tregohen sikur janë produkt i qeverisjes sonë.
A ka mirëqenie në këto qytete që janë zbukuruar, ju keni vënë dorë estetikisht?
Ç’domethënë zbukuruar? Se edhe kjo është një qasje mizërabël ndaj ndryshimit. Unë kam besuar dhe besoj; historia e botës e tregon se transformimet urbane janë transformime që sjellin me vete rritje të cilësisë së jetës dhe sjellin me vete rritje të fuqisë komunitare.
Gjirokastra. Pafund njerëz që ankohen në këtë qytet. Një nga qytetet më të rëndësishme të Shqipërisë.
Ankohen për këtë punë apo ankohen se janë pa punë?
Ku është lidhja?! Nëse i pyesni për atë punë që është bërë atje …
Nuk do të gjeni në Gjirokastër, ose do gjeni me siguri se ka kudo anëtarë të PD, po nuk do të gjeni dot njerëz normalë që do të thonë pse u bë kjo punë, ç’na duhet kjo punë, ne duam bukë, ne s’duam rrugë, ne s’duam shesh, ne s’duam gjelbërim, ne s’duam cilësi jete e kështu me radhë. Ky është vetëm fillimi i një transformimi të madh që do të pasohet pas 21 qershorit me një fuqi të re, sepse këto janë produktet e kantierit të Rilindjes Urbane. Kantieri i Rilindjes Urbane nuk është një kantier thjesht e vetëm për të bërë sheshe e qytete, por janë kantiere që shtrihet nga sheshet e këtyre bashkive, që janë zemrat e 61 bashkive të reja, në mënyrë kapilare drejt gjithë territoreve ku njerëzit kanë 20 e kusur a vite që jetojnë dhe nuk kanë parë një dritë me sy, nuk kanë parë një trotuar me sy, nuk kanë parë një shesh me sy, sepse janë lënë në mizerabilitet të degradimit të atyre që bëri komunizmi dhe janë gënjyer vetëm me asfalte elektorale dhe me ato ndihmat ekonomike militante dhe tërësisht të padrejta.
Burg për ata që s’paguajnë energjinë, sekuestrim për ata që s’paguajnë energjinë. Në shtator do të bëhet dy vjet Edi Rama Kryeministër, çdo të mbetet? Pamja e këtyre qyteteve të ndryshuara, reforma apo frika e burgut për të varfrit?
Më falni, po ky është një spekulim shumë i madh dhe unë këtu, jo padashje kam marrë shifrat. Sot, ne kemi arritur të ndalim hemorragjinë në sektorin energjetik. Ishim në prag falimenti. Është e njohur që për tragjeditë që nuk ndodhin sepse frenohen, nuk flet kush, por neve na takon të flasim për të thënë se është frenuar një tragjedi kombëtare, një kolaps i sistemit, jemi futur në kthesë dhe jemi në drejtim e duhur. Kemi mbi 350 mijë familje apo biznese konsumatorë që janë futur në marrëveshje me kompaninë. Ndërkohë, e gjithë tymnaja, i gjithë spekulimi, i gjithë ky mashtrim i madh për t’i hedhur hi syve të një publiku që në masë, përtej masës që mbështet mazhorancën tonë, e mbështet reformën në energji, e mbështet operacionin në energji. Shikoni çfarë shifrash ka. Në këtë sektor janë arrestuar në flagrancë vetëm 1030 persona. 1030 persona prej të cilëve 790 janë biznese, janë pronarë biznesesh apo lokalesh dhe vetëm 240 janë familjarë. Ky është i gjithë bilanci i gjithë këtij spekulimi, burg, burg, burg. Por nga ana tjetër, kush vjedh energjinë e elektrike, kush kujton e sillet se është më i mençur se të tjerët që e paguajnë atë një më një, patjetër që nuk mund të trajtohet sikur po bën ndonjë akt të pranueshëm. Është vjedhje dhe si çdo vjedhje është ndëshkuar e do të ndëshkohet deri në fund, sipas Kodit Penal të Republikës së Shqipërisë. Ama, shikojini shifrat. Ka turp më të madh mbi bazën e këtyre shifrave dhe po të shikojmë rezultatet, sepse ndërkohë janë mbi 80% – dhe unë jam mirënjohës shqiptarëve- që e mbështesin reformën në energji, që e mbështesin operacionin e qeverisë, që e mbështesin ngritjen e shtetit, me gjithë sakrificat që kjo kërkon, me gjithë punën që kjo kërkon, me gjithë kohën që kjo kërkon. Këta janë shqiptarët, të cilët e dinë fare mirë që duhet të bëjmë shtet, që të kërkojmë pastaj që shteti të bëjë shumë më tepër për ne, që energjia të na vijë në mënyrë të rregullt, në mënyrë cilësore, që kujdesi për klientin të përmirësohet.
Sa kohë do ju duhet me të tilla, reforma të rënda e të vështira për të bërë shtet, që shteti t’i shërbejë pastaj qytetarëve të vet?
Unë ju siguroj se përsa më takon, qeveria në të gjithë sektorët është duke ecur sipas planit dhe këtu do të jemi dhe do të flasim përsëri. Por, ama, sot që flasim jemi gjatë operacionit, nuk jemi në kushtet kur ne të themi e kryem operacionin, ja ku u ngrit në këmbë i sëmuri, është shëndoshë e mirë dhe mund të vrapojë sa të dojë. Ne nuk po themi këtë. Unë e kam thënë në mënyrë të përsëritur nuk kemi shkop magjik, nuk dimë ndonjë histori transformimi nga ajo gropë e madhe ku ne e gjetëm vendin, në atë vend të shpresave dhe të ëndrrave të të gjithë njerëzve që mund të bëhet në 18 muaj.
Ata që e futën vendin në gropë mos janë përballë jush, zoti Rama?
Ata që e futën vendin në gropë janë ata që na dalin përditë dhe kakarisin përditë, duke kërkuar llogari nga ne, për të gjitha gropat që i hapën vetë.
Epo bravo i qoftë, përderisa janë përballë dhe jo në ndonjë gropë tjetër.
Sesa “bravo i qoftë” është kjo, këtë lëreni ta vendosin shqiptarët. Unë mendoj që nuk është “bravo i qoftë”. Ky është një zvetënim politik e moral, për të cilin ka një gjykatë speciale që është gjykata e votës së shqiptarëve dhe këtë votë do ta shkojmë në vitin 2017 për gjithçka që i takon qeverisë shqiptare.
Përse nuk do të jetë test 21 qershori?
21 qershori, ja ku jemi këtu, ne do t’i fitojmë zgjedhjet, por mua nuk do të më shikoni duke thënë se ky ishte testi ynë i madh. Do të më shikoni duke thënë vetëm një gjë; jemi në drejtimin e duhur. Sepse nuk ka shqiptar të arsyeshëm, nuk ka familjarë të logjikshëm, nuk ka sipërmarrës që ia di punës që të mos e ndjejë, në mos e kuptoftë 100%, që jemi në drejtim e duhur.
Një pyetje të fundit për zotin Blushi. E quajtët komentar, nuk do t’i ktheni përgjigje gjatë kësaj interviste për shumë prej tezave të tij, të cilat ju quajnë ju nuk jeni në drejtim e duhur.
Unë kam 18 muaj së bashku me të tjerët që me respekt, çdo të enjte i përgjigjem të gjitha tezave, pse janë të gabuara kur ngrihen për të provuar që Shqipëria nuk po ecën në drejtimin e duhur. Që të gjithave. Nuk kam asnjë problem për t’ju përgjigjur të gjitha tezave. Këtu dhe në çdo komunikim publik. Do të më lejoni që t’ju kujtoj se opozita ka fjalën, puna e saj është fjala, fjala jonë është puna.
Unë jam i vendosur që shqiptarëve t’ju flas në radhë të parë me punë. Sigurisht që, puna tregohet, shikohet. Ju sollët Kavajën. Nuk e di a keni shkuar ndonjëherë në Kavajë. Unë ju siguroj, dhe i siguroj të gjithë ta bëjnë një vizitë në Kavajë dhe të shikojnë atë që deri dje quhej “zemra e zhvillimit demokratik dhe urban” se në çfarë është transformuar sot. Të kuptojnë që ai transformim që ka nisur në qendrën dhe në arteriet kryesore të atij qyteti, do të shtrihet në gjithë bashkinë e re. Atë transformim do të marrin pjesë qytetarët duke përfituar nga rritja e punësimit, nga rritja e cilësisë së jetës, dhe nga rritja e vizitorëve.
Ju nxorët Korçën atje. Kullën e shumëmallkuar të Korçës, njësoj siç mallkonin dhe injorantët e intelektualë të shquar kullën Eiffel kështu e mallkonin. Ajo nuk është Eiffeli. Ajo është një shëmbëlltyrë shumë modeste e një Shqipërie që po rilind. Shikoni vetëm numrat e vizitorëve të qytetit të Korçës. Nuk është vetëm ajo, është njw zhvillim i tërë urban që po transformon Korçën. Korça e re, bashkia e re do të ketë të gjithë energjinë e atij transformimi.
Duke iu referuar Facebook-ut, pashë një pyetje që më pëlqeu dhe doja t’ju bëja menjëherë zotit Kryeministër. Ugin Cara shkruan, “Dua të shkoj në Shqipërinë për të cilën ëndërron Edi Rama”.
Fantastike! Duhet të shkojmë sëbashku, sepse unë besoj që njeriu është në gjendje që çdo ëndërr që sheh me sy hapur ta realizojë, përderisa e shikon. Nuk ka ëndërr që njeriu e shikon me sy hapur dhe nuk realizohet. Nuk ka ëndërr që ne sëbashku mund ta shohim me sy hapur dhe nuk e realizojmë dot. Ne do ta realizojmë ëndrrën e Shqipërisë së rilindur.
Edhe një pyetje nga Facebook-u. “Ka krim, ka informalitet prandaj ka papunësi”
Ka krim? patjetër që ka krim. Ama, mos vallë krimi lindi 18 muaj më parë? Apo mos vallë krimi u shtua këto 18 muaj? CCfarë thonë shifrat konkrete? Në vitin 2014, që ka qenë viti më i vështirë përsa i përket marrjes së kthesës dhe çuarjes në drejtimin e duhur të punëve të brendshme dhe të Policisë së Shtetit. Kemi përfunduar me 10.4% më pak vrasje. Por, shikoni sesi jemi në këtë vit. Në 2013, në janar shkurt, janë regjistruar 22 vrasje, në 2014 20 vrasje, dhe në 2015 vetëm 7 vrasje. Ndërkohë që, sigurisht që beteja me krimin vazhdon, por nuk duhet të biem pre e një marrëzie populiste sipas të cilës nuk do të kemi më krim, nuk do të kemi më papunësi, nuk do të kemi varfëri. Shqipëria do të bëhet një bahçe me lule, siç e predikonte famëkeqi dhe qoftëlargu i dikurshëm, apo siç e predikonte dhe ai paraardhësi im, që thoshte se jemi të dytët pas Gjermanisë dhe o burra dhe një mandat dhe do ta kalojmë Gjermaninë.
Por Saimir Tahiri thotë “policia që duam”. Ku është ”policia që duam” kur rrëmbehet në mes të rrugës një makinë me para?
Absolutisht që policia që duam është policia që reagon, nuk është policia që zhduk dhe shfaros nga faqja e dheut çdo lloj krimineli, çdo lloj krimi dhe çdo lloj kriminaliteti, se kjo polici nuk ekziston. As në Gjermani, meqë Gjermania është shembulli më solid, dhe aq më pak në Shtetet e Bashkuara. Por, “policia që duam” është policia që reagon, është policia e cila në periudhën për t’u kthyer nga drejtimi i gabuar në drejtimin e duhur, është vetëpastruar me 11% tw trupit të vet. Është policia, e cila po ripërtërihet me kontingjente të reja, është policia e cila ka filluar të hyjë në rrugën e profesionalizmit. Unë kam shumë besim se çdo shqiptar që ka bërë një ditë punë reale, çdonjëri nga ata shqiptarë që kanw ndërtuar shtëpitë e tyre me kursime djerse, gjaku dhe sakrificash, çdo shqiptar që ka bërë studime reale, e di shumë mirë që rezultatet reale duan punë, duan sakrifica dhe duan kohë!
Sikur ne t’i kishim arritur të gjitha ato që do të arrijmë kur të jemi në kohën për t’i arritur, në 18 muaj ne nuk do të ishim qeveritarë, ne do të ishim magjistarë. Ne nuk jemi magjistarë!
Ndalojmë tek njëri prej qeveritarëve që është kandidat për kryebashkiak. Është Erion Veliaj. Ministri Erion Veliaj është kandidat i mazhorancës për bashkinë e Tiranës. Sepse nuk është magjistar apo sepse është njeriu që ju pëlqeni. Pse u zgjodh ai dhe nuk u zgjodh Pandei Majko, dhe jo Blendi Klosi, dhe jo Lindita Nikolla?
Së pari njëherë, përsa i përket Pandeli Majkos që është një figurë e padiskutueshme e Partisë Socialiste të vjetër dhe të re, pa diskutim. S’ka qenë asnjëherë një kandidat për bashkinë e Tiranës.
Por pse u krijua kjo ide?
Idetë i krijoni ju, i besoni ju, i komentoni ju dhe pastaj mbasi ato dalin që nuk janë asgjë tjetër veçse pjellë e fantazisë tuaj, kërkoni llogari nga ne. Por, kjo është histori tjetër.
Erion Veliaj, është njeriu që i duhet sot Tiranës, është fuqia e atij transformimi që i ka munguar Tiranës për 4 vite me radhë. Wshtë shprehja këmbëngulëse e një gjenerate tjetër për ta bërë real këtë transformim. Si ministër ai provoi se është një menaxher i shkëlqyer. Fjalën i shkëlqyer ju siguroj që nuk e përdor lehtë.
Si e provoi?
Ju e dini shumë mirë, të gjithë e dinë shumë mirë se ç’ishte Ministria e Punës, në 20 e kusur vite. Një xhep fallco i qeverisë që përdorej për të parkuar furgonat e partive të vogla, nga ku dilte ndonjë ministër zakonisht me një bark të disproporcioniuar, siç hynte ashtu dhe dilte. E, linte pas vetëm një shtresë pluhuri më shumë. Ishte një ministri që me demek fuste shqiptarët në punë, dhe për të cilën paguheshin më shumë taksa për të mbajtur rrogëtarë sesa për të punësuar të rinj. Wshtë sot një ministwr model.
Se mori fonde më shumë!
Jo! Fonde më shumë patjetër, por jo si rezultat i fondeve por si rezultat i reformave. E para, është ministri që reformoi me vizion dhe me vendosmëri një skemë të falimentuar pensionesh për të cilën prej vitesh institucionet financiare ndërkombëtare jepnin alarmin dhe vinin kushte. E dini që qeveria e mëparshme refuzoi të merrte një mbështetje financiare të konsiderueshme nga Banka Botërore vetëm sepse refuzoi të plotësonte kushtin për të bërë reformën në pensione. Një reformë, që nuk guxoi ta bënte asnjë qeveri në të shkuarën e kemi bërë brenda 18 muajve. Kemi arritur që për të gjithë ata që dalin në pension, pensioni tani të jetë më i lartë, nga 2 deri në 40%. Kemi shembur tavanin që i mbante të gjithë aty të bukosur njësoj, me 240 mijë lekë maksimumi. Kemi bërë të mundur që sot të ketë, bazur në vitet e punës njerëz që
marrin pension deri në 350 mijë lekë. Po ashtu kemi një reformë tjetër rrënjësore dhe të domosdoshme. Reformën e skemës abuzive të ndihmës ekonomike nga ku u hoqën, jo 20 mijë përfitues në nevojë, por 20 mijë përfitues abuzivë, nga të cilët nja 5 mijë ishin këtu në Kamzë.
Të gjithë personazhe me vetura, shtëpi me dy kate e kështu me radhë.
Sot, pyetje me vend, kemi rritje dyfishe të ndihmës ekonomike, madje mw shumë se dyfish. Nëse ndihma ekonomike ishte 15 mijë deri në 30 mijë lekw të vjetra, sot, ndihma ekonomike është 45 deri në 80 mijë lekë të vjetra. Pra, e shikoni që kemi të bëjmë me një transformim real për njerëzit në nevojë, për ata të varfrit të cilëve, siç ju është gjendur, siç po i gjendet dhe siç do i gjendet në të ardhmen kjo Qeveri, askush nuk i është gjendur me parë. Ne nuk i besojmë lëmoshave. Ne i besojmë operacionit radikal që duhet bërë në të gjithë trupin e kapur peng nga një kancer sistemik dhe i besojmë solidaritetit, por jo të bazuar tek hedhja për lumë e fondeve publike, jo të bazuar tek përtacia dhe dembelizmi, jo të bazuar tek klientelizmi dhe tek bakshishi politik. Për këtë arsye, sot, jemi në kushtet kur mund të themi se e kemi futur ndihmën ekonomike në rrugë të drejtë dhe se do ta rrisim vit pas viti, por për ata që janë realisht në nevojë.
Nga ana tjetër, ja çfarw ka bërë Erion Veliaj për të jetësuar planin tonë për arsimin profesional, duke çelur një dritare tërësisht të re në perspektivën e të rinjve. Kemi që në vitin e parë 40% më shumë të rinj që shkojnë në shkollat profesionale dhe shkollat profesionale janë përmbysur tërësisht. Janë përmbysur në program, janë përmbysur nw menaxhim, janë përmbysur në perspektivë.
E, po ashtu, shikoni se si është prekur skema për personat me aftësi të kufizuar. Shkoni pyetini personat me aftësi të kufizuar se ua u thonë ata. Padyshim që, jemi në kushtet kur nuk mund të flasim për asnjë mrekulli, sepse s’kemi premtuar asnjë mrekulli, por po flasim për drejtimin e duhur.
Duket sikur flisni për një kandidat supermen. E përshtypje bën nga ana tjetër që ju sulmoni e tallni kundërshtarin, Halim Kosovën. Çdo postim që ju bëni për të ngjan si tallje. Nuk kemi nevojë ta bëni këtë , nëse kandidati juaj është kaq i mirë.
Erion Veliaj është një kontributor konkret dhe real në skuadrën e Qeverisë për gjithçka është bërë për të përmbysur sistemim mizerabël mediokër dhe abuziv të gjoja punësimit dhe për të kaluar në një sistem punësimi qw po jep rezultate. Sigurisht, të punësuarit nga zyrat e punës, të punësuarit nga Fondi i Mbështetjes së Punësimit të biznesit nuk kanë zgjidhur problemin e papunësisë në Shqipëri, por e kanë kthyer vështrimin dhe hapin e qeverisë së vendit në drejtimin e duhur.
Nuk mendoj që të gjitha ata që janë pa punë, mendojnë kështu
Unë nuk po flas për ata që janë të papunë. Ata që janë të papunë dhe që nuk e kanë prekur drejtpërdrejtë eksperiencën duhet që falë komunikimit, falë informimit dhe falë perspektivave, që hapen hap pas hapi të hyjnë në rrugën e punësimit real. Por, pa dyshim, që asnjëherë dhe për asnjë arsye nuk e kam menduar dhe jo më ta them që shiko: “Ne kemi shkopin magjik, mjafton që të vonohemi ne dhe për 18 muaj në Shqipëri nuk do të ketë të papunë”.
Cili do ta zëvendësojë zotin Veliaj?
U kuptuam për këtë pjesë. Nuk bëhet fjalë për një supermen, bëhet fjalë për një mishërim absolutisht të plotë të nevojës që ka Tirana sot. Unë ju them me plot gojën kryeqytetasve, bazuar edhe tek eksperienca ime, se në këto zgjedhje atyre iu duhet Erion Veliaj në Tiranë dhe iu duhen kandidatët e “Aleancës për Shqipërinë Europiane” në çdo bashki të re, për të bërë të mundur që sinergjia e programit dhe bashkimi për një vizion të qartë transformues të qyteteve të bëhet realitet, duke e pasur qeverinë kombëtare pranë dhe duke punuar krah për krah pushtetin vendor.
Kush e zëvendëson Erion Veliajn?
Nuk është kjo tema e ditës, kur të zëvendësohet do ta merrni vesh.
Pyetja tjetër ka të bëje me faktin se përse ju talleni me kandidatin kundërshtar Halim Kosova.
Ju ngjan gabim? Nuk tallem, absolutisht me asnjeri, jo më me Halim Kosovën që është një burrë i mirë, një mjek i mirë thonë, por është fakt që t’i propozosh Tiranës Halimin pas Lulit, është njësoj si t’i thuash: “Ai i freskëti doli i fishkur, tani merr këtë të lodhurin me shpresën se do të dalw energjik.” Kjo nuk mundet dot të ndodhë për Tiranën, sepse do të ishte të ktheheshim prapë tek muhabetet e rakisë, me nga një qofte përpara edhe të flisnim për cilësinë e diellit edhe për shumë gjëra që kandidatët e Partisë Demokratike kanë folur në të shkuarën. Është një kthim i madh në të shkuarën.
Keni patur këtë ide në të shkuarën thotë ai, në kohën që e shpallnit Qytetar Nderi të Tiranës.
Nuk e kam shpallur ndonjëherë Qytetar Nderi të Tiranës. Ne bënim një mirënjohje të bashkisë për 10 qytetarë të spikatur dhe është vlerësuar qytetar i spikatur, bazuar në marrjet e opinioneve për atë që bënte në spitalin gjinekologjik. Unë nuk vë në diskutim kapacitetin e tij gjinekologjik. Unë vë absolutisht në diskutim kapacitetin e tij politik dhe ekzekutiv për të drejtuar një territor ku jeton, ku punon, ku kërkon një cilësi të re jete, 1/3 e popullsisë së vendit.
Në Vlorë keni çuar një doktor, dr. Lelin. Nuk i druheni faktit që është doktor?
Unë nuk thashë për Halim Kosovën, pse është doktor. Se po të hyjë pastaj tek profesioni mund të shkojmë më tutje, por nuk nxjerrim asgjë. Unë nuk kam asnjë paragjykim për profesionin e doktorit, pavarësisht se me një doktor që provoi Shqipëria pa qamet me sy.
Ndalojmë pak në Vlorë ku jeni deputet, një qyet i rëndësishëm , një qytet ku ka shumë premtime dhe një qytet i administruar shumë keq, për këtë nuk ka njeri dyshim. Doktor Leli kjo figurë e panjohur a do të sjellw ndryshim. Mbi ç’bazë është përzgjedhur?
Në bazë të anketimeve të publikut dhe të komunikimeve me gjithë përfaqësuesit apo zërat brenda Partisë Socialiste apo brenda koalicionit tonë. Ajo që duhet të them dhe besoj do të sqaroj më mirë edhe gjatë fushatës elektorale është që ne kemi konceptuar një punë në skuadër, qeveri dhe bashki, për të transformuar dhe të gjitha këto territore të rikonceptuara nga reforma administrative. Nga njëra anë duke çuar më tutje projektin e madh transformues që është një projekt që do të bëjë një transformim epokal të “Rilindjes Urbane” përsa i përket territoreve dhe nga ana tjetwr projektin e madh të shërbimeve. Për të patur shërbime shumë më cilësore për pastrimin dhe përpunimin e mbetjeve, për furnizimin me ujë, për ujitjen dhe kullimin, transportin, shërbime që sot mungojnë plotësisht nëpër territore.
Çfarë transformimi epokal mund të bëjë zoti Dako dhe Sejdini që nuk e bënë dot në dy kandidaturat e para?
Nuk e bënë dot vërtetë? Mua më rezulton ndryshe. Unë besoj se janë dy kandidaturat të cilat janë rikonfirmuar me konsensus pothuajse të plotë publik, bazuar në anketimet e publikut dhe të përfaqësuesve të PS, sepse janë dy persona që në kushte krejtësisht të pamundura, të mos harrojmë që bashkitë e drejtuara nga socilistët kanë vetëm një vit që marrin frymë. Kanë qenë të rrethuara si të ishin kështjella armiqësore dhe kanë qenë tërësisht të pamundur për të bërë investime dhe për të përmirësuar cilësinë e shërbimeve pasi kanë pasur në Tiranë një qeveri armiqësore ndaj tyre. Ka vetëm një vit. Shikoni se çfarë ka ndodhur dhe në Durrës, dhe nw Elbasan dhe në Lezhw. Shikoni Lezhën. Çfarë ka ndodhur në Lezhë vetëm në një vit.
E duke pasur parasysh projektet që këta kryetar bashkish kanë gati, sepse ndërkohë që nuk kanë marrë dot financime për të investuar aq sa do t’i duhej qyteteve, kanë qenë mjaft largpamës dhe kanë punuar për të pasur projekte të gatshme për të vazhduar pas fitores së koalicionit.
Rezultatet e tyre nw punë, që s’i kishte Gjirokastra, që nuk i pati Gjirokastra që u ndryshua?
Në Gjirokastër kemi bërë një zgjedhje që unë besoj është zgjedhja e duhur për Gjirokastrën. Një zonjë që është Prefektia e qytetit tw Gjirokastrës, e cila, jam i bindur, që do ta çojw shumë më tutje punën e nisur në Gjirokastër këtë vit. Në Gjirokastër këtë vit, në Elbasan këtë vit, në Durrës këtë vit, në Vlorw këtë vit, në Lezhë këtë vit është investuar më shumë sesa në 20 vite tw mbledhura së bashku po të shohim financimet që kanë shkuar në qytete. Ky trend do të shkojë duke u zhvilluar, sepse ne do të fokusohemi jashtëzakonisht shumë tek komunitetet, do të fokusohemi jashtëzakonisht shumë tek integrimi i atyre që deri dje ishin qytetarë të dorës së dytë, nëpër komuna,- që quheshin “hajt se ata janë në fshat” dhe liheshin rrugëve, – me ata që jetojnë në qytetet ekzistuese për të pasur qytetarë të bashkive, të cilët kanë shërbime dhe tw cilwt kanë infrastrukturë.
Do ta bëni këtë pasi t’i fitoni këto bashki, ndërkohë jeni në garë? Berati dhe Gjirokastra janë dy qytete të rëndësishme, dy qytete që votojnë majtas dhe të dy shkojnë tek LSI?
Nuk ka LSI dhe PS, ka “Aleancë për Shqipërinë Europiane”.
Edhe në baze?
Ka “Aleancë për Shqipërinë Europiane” dhe të gjithë kandidatët e pwrbashkët, janë kandidatët tanë dhe të qytetarëve që mbështesin apo që meritojnë vëmendjen tonë. Që do të thotë që, janë kandidatë pa ngjyrime të posaçme partiake dhe do të kenë të gjithë mbështetjen e të gjithë partive dhe zgjedhësve të partive. Meqwnëse sollët në vëmendje Beratin po ju them se projekti i Rilindjes Urbane në Berat, është i tillë që me zhvillimin e tij në 4 vitet e ardhshme, jam i bindur që këtë fluks në rritje të vizitorëve, do ta ketë të shumëfishuar. E lanë Beratin si xhep fallco dhe as rrugën që lidhte Lushnjën me Beratin nuk ia bënë dhe jo më pastaj të bënin ndonjë investim në Berat.
Po ia përfundojmë rrugwn, sepse është histori tjetër ajo e rrugëve të lëna rrugëve.
D.m.th ajo rruga e Pogradecit do të bëhet më në fund?
Patjetër, patjetër! Por nuk duhet të harroni ju dhe mos harrojnë qytetarët që ndërkohë kemi shlyer rreth 400mln dollarë borxhe për ato rrugë kryesisht. Borxhe, sepse priteshin shiritat pa lekë.
Pati ndikim shlyerja e borxheve, realisht në vazhdimin e rrugëve?
Shlyerja e borxheve nuk mund të ketë ndikim në vazhdimin e rrugëve, sepse borxhet ishin për punët e bëra, për ato copa rrugësh që u bënë, i bënë kompanitë me lekët e tyre se ata nuk u jepnin lekët. Sikur të mos kishim pasur ato borxhe, jo do kishim mbaruar ato rrugë, por do kishim bërë edhe dyfishin e tyre, por këtë gjë njerëzit nuk duhet ta harrojnë, që ne Shqipërinë e morëm si shtëpinë e një bixhozxhiu i cili i kishte lwnë të tëra paratë në bixhoz dhe ndërkohë familjes i thoshte që jemi mire shumë dhe nesër do jemi më mirë. Kur bixhozxhiu iku, familja hapi derën dhe gjeti gjithë borxhlinjtë te dera që kërkonin borxhet. Kështu e morëm ne Shqipërinë para 18 muajsh.
Zoti Ngjela tha se PD do fitojë vetëm në zonat ku LSI kishte kandidatë
Unë nuk komentoj komentet e të tjerëve, jua thashë. Spartak Ngjela është miku im, partia e tij është pjesë e koalicionit tonë. Ai është një zë që është vetëm ai dhe zërin e tij e dëgjojmë të gjithë.
Një pyetje për ju zoti Rama, Artur Lusha: Zoti Kryeministër, përse nuk rrisni pagat dhe pensionet t’i barazoni me Italinë?
E pra, po Italia pse nuk i rrit që t’i barazojë me Suedinë? Rritja e pagave dhe pensioneve lidhet drejtpërdrejtë me fuqinë ekonomike që ka vendi dhe me rritjen e fuqisë ekonomike. Ajo që është e rëndësishme është që ne e kemi kthyer vendin në drejtimin e duhur, nuk do rrisim asnjë taksë dhe ndërkohë, nga rritja ekonomike që sipas parashikimit tonë dhe FMN këtë vit do jetë 3%, do të fillojmë të kemi më shumë frymëmarrje.
Asnjëherë të mos harrojmë se 18 muaj në qeverisje janë jashtëzakonisht pak për të rimëkëmbur një ekonomi dhe një shtet të shkatërruar në 20 vjet, që në fund fare kur erdhi puna që na ra ne barra ta rimëkëmbin. iIkishin nxjerrë themelet edhe shtetit edhe ekonomisë.
Shkodra, Keti Bazhdari nga PS dhe Voltana Ademi nga PD. Një betejë e bukur. Ç’ju bëri të bindeni te Keti?
Bindja që në Shkodër duhet një menaxher, në këtë rast një menaxhere dhe jo një figurë vetëm politike, dhe aq më pak pastaj një figurë që është pjesë e një vazhdimësie, e cila duhet ndërprerë në bashkinë e Shkodrës për të mirën e Shkodrës dhe të qytetarëve të Shkodrës. Keti Bazhdari është një person që ka treguar nw jetën e vet se di të ngrijë një sipërmarrje, se di si krijohen vendet e punës, se di mbi të gjitha se si çahet rruga e vështirë e jetës për të realizuar ambiciet e tua, pavarësisht se mund të mos kesh as edhe një mbështetje. Historia e një vajze që e ka nisur nga zero, si shumë e shumë vajza e djem të tjerë dhe që nuk merren me sehirin e madh dhe me shpotitjen e kafeneve që “obobo çfarë do të behet me ne se s’kena punw”. Sot është një mishërim pikërisht i asaj pjesë të shkëlqyer të vajzave dhe djemve të këtij vendi, që qoftë brenda dhe qoftë në emigracion kanë treguar se asgjë nuk është e pamundur nëse ka vullnet dhe nëse ka punë të përkushtuar dhe pa pushim.
Është e vërtetë që Keti ia doli pas një lufte politike me zotin Doshi?
Këto janë folklor.
Është e mbyllur historia e Tom Doshit me PS?
Po.
Kandidohet në Pogradec, një zonjë
Në Pogradec kemi një kandidaturë shumë të spikatur, një grua.
Kemi një grua të spikatur, e cila është arkitekte. Jam absolutisht i bindur që me të në Bashkinë e Pogradecit qeveria kombëtare do të ketë një partner jashtëzakonisht të rëndësishëm për të vazhduar projektin e Rilindjes Urbane që ka nisur me vijën e liqenit dhe që do të shtrohet në të gjithë bashkinë e re të Pogradecit. Në Klos kemi vendosur t’i besojmë një gruaje, një mjeke, një zonje, në një mjedis shumë të ngarkuar me korrupsion dhe klientelizëm politik burrash. Një bashki që është në një vaj të madh halli.
Sepse ne vërtetë diskutojmë sot kandidat këtu, kandidat aty, por është me rëndësi të bëhet një bilanc. Shikoni bashkitë e drejtuara nga socialistët dhe progresistët, shikoni bashkitë e drejtuara nga demokratët.
Shkodra është e drejtuar nga një demokrat dhe ke qejf të shkosh.
Shkodra është një qytet, i cili ka pasur një mbështetje ekskluzive për një periudhë kohe financiare dhe në raport me paratë që i janë dhënë duhet të ishte bërë shumë më tepër se aq. Ndërkohë që dëmet që i janë bërë Shkodrës, dëmet që i janë bërë monumenteve të kulturës të Shkodrës, dëmet që i janë bërë historisë dhe vlerave aq të shkëlqyera të një historie, flas për vlerat materiale, janë të pallogaritshme në këtë periudhë.
Duke ecur me logjikën e zonjave, në këto qytete klienteliste, me korrupsion, me qytete me probleme që duan duar zonjash, a mund të ketë edhe Durrësi një fat të tillë, të ketë fitoren e zonjës Grida Duma.
Si durrsak me origjinë, pavarësisht se jam tirans që nga dita e parë e lindjes, them: “Larg qoftë!”
Larg qoftë një zonjë?
Jo, që Durrësi të bjerë në duart e kësaj zonje, larg qoftë! Unë kështu them
Por po ndodhi, ndodh.
Kjo po ndodhi ndodh është për thënie dite, mu duk si ato thëniet e Halim Kosovës.
Po Ndoka pse ju duhej në koalicion?
Kemi qenë në koalicion, ka qenë një partner i koalicionit në opozitë, një partner shumë dinjitoz në opozitë, është rikthyer në koalicionin tonë, ku absolutisht ka pasur vend për të gjithë, jo për t’i tjetërsuar identitetet e tyre, por për të dhënë një mesazh të qartë që këtu bëhet fjalë për zgjedhje vendore dhe në këto zgjedhje vendore, përpjekja e përbashkët është për t’i dhënë një frymëmarrje të re politikës në nivelin vendor dhe për të mos bërë një betejë të egër gjelash, pasi në 21 qershor, në fakt, vendoset fati i projektit të zhvillimit urban, ekonomik dhe social të çdo komuniteti. Njerëzit kanë sy e shikojnë, kanë veshë e dëgjojnë dhe jam i bindur që do të dinë ta bëjnë diferencën.
37 parti krahas jush, një super aleancë. Është një aleancë që ju e krijuar, sepse keni frikë?
Frikë nga çfarë?
Nga humbja.
Nga ky turisti i bashkisë së Tiranës apo nga partia e SHQUPI-it, nga çfarë të kem frikë?
Nga vota e shqiptarëve…
Nga vota e shqiptarëve jo e jo. Sepse unë besoj shumë tek Shqipëria dhe ky besim i madh tek Shqipëria dhe ky besim i madh tek shqiptarët që mund ta shkruajnë ndryshe historinë e tyre dhe mund ta bëjnë shtetin e tyre dhe mund të lënë pas një periudhë skandaloze nëpërkëmbjeje dhe vetnëpërkëmbjeje, duke mbajtur në kurriz qeverira dhe qeveritarë që u thoshin jemi më të mirët, jemi të dytët, po kapim Kinën, është hutuar Gjermania, po i merret fryma Kinës se po e kapim, ta lemë pas.
Ambasadori amerikan ka folur sot për emra të inkriminuar, për emra që do t’i çojë tek partitë apo i ka çuar ndërkaq. Ka sjellë tek ju emra, zoti Rama?
Nuk bëj komente të kësaj natyre, sepse besoj që nuk ka ndonjëherë në ndonjë studio apo intervistë apo komunikim timin, komente mbi marrëdhënie me partnerë apo biseda me miq të huaj.
Kandidat të inkriminuar nuk ka, janë shpallur të gjithë. Po flas ekskluzivisht për Artur Bushin e Krujës.
Dakord, ju flisni ekskluzivisht për Artur Bushin e Krujës, por ju nuk jeni një person që shihni televizor. Ju jeni gazetare dhe si ju janë të gjithë ata që prodhojnë atë gazetën atje dhe shumë gazeta të tjera, përse nuk merrni ta investigoni këtë çështjen e këtij njeriu, por e keni kaq të lehtë ta merrni nëpër gojë.
Ju i keni investiguar?
Nuk ka rëndësi pjesa ime, sepse unë them po, unë them jo. Ju jeni këtu për t‘i thënë opinionit publik që ‘po’ ime është e vërtetë, që ‘jo’ ime është e vërtetë. Dhe mbi të gjitha, ju keni detyrimin e madh që të mos merrni nëpër gojë njerëzit, siç është mësuar t’i marrë një politikë mejhaneje dhe zagarie, që ka 20 vjet që e çorodit këtë popull. Merr emra nëpër gojë, e fut emra nëpër gojë.
Është një politikë që prodhoi Mark Frrokun, prodhoi njerëz me tre identitete.
Prandaj juve kur merreni me identitetin e njerëzve, është shumë mirë që të ndihmoni publikun, të na ndihmoni dhe neve me profesionin tuaj. Dhe jo të bëni të njëjtën gjë. Nuk e kam me ju personalisht, pasi fatmirësisht, edhe nga emisioni janë të rralla këto debate, por e kam me gjithë klasën e gazetarëve dhe të analistëve që marrin nëpër gojë njerëz dhe që në një pjesë të madhe të rasteve bëjnë po atë dëm që bëjnë dhe përgojuesit e mëdhenj të SHQUP-it. Dhe kur them marrin nëpër gojë njerëz, nuk e kam thjesht fjalën për kandidatët dhe për inkriminimin, por e kam fjalën për shumëçka që thuhet, që është e pavërtetë. Sikur të ishim në një vend tjetër, – prandaj atyre që më thonë jo rrogat në Itali, jo rrogat në Suedi, atyre ju them se sikur të ishim në një vend të BE, – një opozitë që tall të gjitha pjesët e trupit me publikun, duke i shitur përditë gënjeshtra, duke manipuluar shifrat, duke manipuluar faktet, do të ishte shkatërruar vetëm nga ballafaqimi që do t’i bënin mediat, shifrave dhe fakteve. Por në Shqipëri nuk kemi media të shifrave e fakteve, por kemi media që merr këtej e çon andej dhe pastaj futet në mes për të thënë që nuk jam as këtej dhe as andej, por jam diku tjetër.
Zoti Lesi, një botues i njohur, më shkruan, në kuadër të dekriminalizimit të politikës, do të dekriminalizoni edhe median?
Përshëndetje zoti Lesi, i uroj sukses, por nëse po na ndjek, edhe zoti Lesi është i ftuar ta bëjë betejën e dekriminalizimit të medias dhe të mos e kërkojë nga ne.
Pyetje nga publiku. Kërkoni të paguajmë drita, ujë, taksa, çfarë na premtoni në këmbim?
Së pari, dritat nuk i paguani se i kërkoj unë. Dritat paguhen, sepse konsumohen. Dhe dritat nuk janë një produkt që qeveria i merr nga yjet dhe e kalon nëpër shtëpi. Dritat janë një mall që merret dhe paguhet. Përsa i përket ujit kemi një betejë të madhe për të bërë, sepse jemi në një gropë tjetër shumë të madh. Dhe për këtë arsye është shumë e rëndësishme zgjedhja e 21 qershorit. Sigurisht, tek uji ka një ndryshim të rëndësishëm, pasi ka një përgjegjësi të përbashkët, të ndara në disa pjesë. Por, sidoqoftë, edhe për ujin, një orë e më parë, do të vijë dita që kush e merr ta paguajë, por në radhë të parë, tek uji duhet të sigurojmë që ta marrin ujin, se shumë familje s’kanë ujë fare.
Do ta fusni në burg Sali Berishën apo burgu është për të varfrit në këtë vend?
E përsëris, edhe kjo rënie pre e këtij miti, që këtu në Shqipëri burgu është për të varfrit, por burgu nuk është për të varfrit. Burgu është për vrasësit, burgu është për përdhunuesit, burgu është për hajdutët, burgu është për shkelësit e ligjit dhe në këto kategori, Kodi Penal i Republikës së Shqipërisë dhe Kodi Penal i çdo republike nuk i ndan njerëzit në të pasur dhe të në të varfër. Ndërkohë që, ju siguroj, me shifra që i dhashë edhe në fillim të emisionit, që nuk janë futur gjatë këtyre 18 muajve më shumë të varfër në burg, sesa janë futur në të kaluarën. E kundërta është e vërtetë. Dhe përsëri shifrat flasin vetë.
Sali Berisha nuk është në këto katër kategori, ndaj nuk është në burg.
Sa i përket Saliut, unë nuk jam Prokuror i Përgjithshëm dhe as gjykatës dhe unë nuk fus e nuk nxjerr njeri nga burgu. Se ku e ka vendin Sali Berisha, a e ka vendin në Parlament, a e ka vendin në shpi, a e ka diku tjetër, këtë nuk e përcaktoj unë, nuk e përcaktojmë ne. Një pjesë të kësaj e përcakton publiku siç e përcaktoi, një pjesë tjetër e përcakton drejtësia. Por, sot, nuk mund të themi në asnjë mënyrë se kemi një drejtësi të drejtë. Dhe sigurisht që në 18 muaj ne nuk mund të përmbysnim gjithë sistemin e drejtësisë. Por do ta përmbysim sistemin e kalbur të drejtësisë, dhe këtë vjeshtë do të kemi produktin e reformës në drejtësi.
Ndonjë gjë mund ta kishit bërë edhe pse nuk e përmbysnit dot. Të paktën ta shtynit.
Të paktën ta çonim në burg?
Jo, jo. Jo Berishën, sistemin e drejtësisë.
Po bëjmë në drejtësi një reformë që nuk është bërë asnjëherë. Një proces që mund të krahasohet për nga cilësia vetëm me procesin e shkrimit të Kushtetutës. Por që, po ju them, se për nga thellësia e procesit, për nga marrja e mendimeve, për nga përfshirja e ekspertëve, për nga koordinimi i të gjitha forcave është një proces historik për drejtësinë shqiptare. Dhe produkti do të jetë absolutisht një produkt i konsoliduar. Nuk ka reformat të tilla që bëhen për 18 muaj. Madje një reformë në drejtësi, vendet si Italia…
Për 8 vjet bëhen këto zoti Rama?
Italia ka nja 20 vjet dhe nuk po e bën dot, për shembull, meqë po marrim Italinë. Kështu që çdo gjë kërkon kohën e vet. Unë po ju them se në vjeshtë do të kemi paketën e reformave në drejtësi të cilën do ta miratojë Parlamenti i Shqipërisë.
Një pyetje tjetër. Do ta legalizoni kanabisin siç thotë deputeti dhe miku juaj Koço Kokëdhima?
Deputeti dhe miku im Koço Kokëdhima ka një ide. Siç mund të kenë ide të gjithë deputetët e Partisë Socialiste. Është i bindur tek ajo ide, e promovon atë ide. Unë do të isha I lumtur nëse të gjithë deputetët të promovonin idetë e tyre siç bëjnë disa.
Në lidhje me drogën?! Me prostitucionin?!
Me çfarë do qoftë! Por kjo nuk do të thotë që ne duhet me patjetër të jemi dakord me çdo ide, dhe aq më pak që ne do të legalizojmë kanabisin. Sepse këtë përgjigje e kemi dhënë të qartë që për ne ky nuk është një opsion. Pasi debate bëhet, është një debat në shumë vende, por Shqipëria nuk është në kushtet kur mund të përballojë një proces të tillë dhe mund ta garantojë atë proces pa rënë në kriminalizim të ekonomisë pasi ende nuk e kemi shtetin që pastaj mund t’i garantojë këto procese. Siç i garanton Amerika apo gjetkë, ku ka zona të tëra, shtete të tëra ku është legalizuar.
Kam shumë mesazhe nga Maqedoni a por unë po zgjedh vetëm një pyetje. Pyetja ëhstë: “Zoti Rama, a mendoni se keni detyrim kushtetues ndaj nesh dhe a meritojmë më shumë sesa foto me Thaçin dhe Ahmetin kur ata vijnë tek ty si prifti për të larë mëkatet?”
Së pari, unë i respektoj plotësisht të zgjedhuri dhe udhëheqësit e zgjedhur nga shqiptarët, të shqiptarëve, në Maqedoni. Kështu që këto lodra me prift dhe me mëkate nuk kanë kuptim mes nesh. Sepse ky është problem i parë që ne duhet të kurojmë, që të jemi solidarë me njëri tjetrin dhe të mos përgojojmë njëri tjetrin, aq më tepër kur bëhet fjalë për të këmbëngulur për të drejtat tona të përbashkëta, në raport me dikë tjetër.
Së dyti, për sa i përket vëmendjes, vëmendja e qeverisë sonë, është një vëmendje që nuk e ka pasur kurrë asnjë qeveri më parë, përjashto qeveri më e Pandeli Majkos në kohën e luftës, ndaj Kosovës, ndaj shqiptarëve të Maqedonisë dhe ndaj rajonit në tërësi, shqiptarëve në Preshevë e kështu me radhë. Është një vëmendje e materializuar, nuk është vëmendje me propagandë.
Nuk është folklor?
Nuk është folklor, është e materializuar, dhe nëse sot, në samitin e NATO-s vjeshtën e kaluar, kemi një qëndrim të NATO-s që i kërkon Maqedonisë, përveç se zgjidhjen e emrit, edhe jetësimin e plotë të marrëveshjes së Ohrit, është marrëveshja e shqiptarëve, për shqiptarët. Kjo është meritë e vëmendjes sonë edhe, përveçse edhe e partnerëve tanë. Pra, ne flasim me fakte, dhe faktorin shqiptar sot ne e shohim si një faktor me dinamikë ta vazhdueshme, dhe në këtë dinamikë ne nuk jemi as pasivë as inercial.
Shqiptarët jashtë trojeve ju shohin si kryeministër të të gjithë shqiptarëve. Kanë nevojë t’ju shohin pasi janë në ditët më të këqija të tyre?
Shqiptarët jashtë trojeve janë në ditët më të mira të tyre.
Ku?
Në të gjitha trojet.
Ku?
Tani, me çfarë e krahasojmë?
Po flas për Maqedoninë, po flas për Malin e Zi, po flas për njerëz të çorientuar, të hutuar.
Jo mor jo! Tani me çfarë e krahasojmë? Sot, shqiptaret janë siç nuk kanë qenë asnjëherë në historinë e tyre. Janë një faktor që ka imponuar vetveten. Janë një faktor që respektohet na të gjithë. Janë një faktor që mund të bëjnë shumë për vetveten. Dhe sigurisht që kur them se shqiptarët janë në ditët e tyre më të mira, nuk po them se shqiptarët e Maqedonisë duhet të jenë të lumtur. Larg prej kësaj. Dhe për këtë arsye ne jemi të shqetësuar dhe vazhdimisht në kërkim të një jetësimi sa më të vërtetë dhe real të të gjitha atyre që parashikon marrëveshja e Ohrit, sepse ne e duam stabilitetin e Maqedonisë, nuk po them as që shqiptarët e Preshevës duhet të jenë të lumtur, por po them që edhe për shqiptarët e Preshevës, edhe për ata të Malit të Zi, edhe për ata të Maqedonisë, edhe për ata të Kosovës, edhe për ata të Shqipërisë, ne sëbashku mund të bëjmë gjëra shumë të mëdha dhe shumë të rëndësishme por ama nuk duhet të harrojmë kurrë që nuk duhet të jemi armiq të vetvetes duke u marrë me njëri-tjetrin dhe duke shpërndare si zogjtë e korbit në sytë e të tjerëve. Dhe e kuptojnë mirë se për çfarë po flas.
Bashkimin me Kosovën, e shihni si mundësi për krijimin e një Shqipërie të plotë?
Unë nuk e kuptoj për çfarë arsyesh, kam dëgjuar edhe disa spekulime të neveritshme që Edi Rama flet për bashkimin kombëtar sepse do t’i iki problemeve.
Shqiptarët kanë marrë në dorë fatin e tyre, sot. Dhe është shumë e rëndësishme se si do të ndërtojmë të ardhmen tonë të përbashkët. Nuk ka një të ardhme të ndarë ndërmjet shqiptarëve të Shqipërisë, shqiptarëve të Kosovës dhe shqiptarëve të tjerë në rajon. Ka një të ardhme të përbashkët. Bindja ime është që rruga jonë e përbashkët është absolutisht rruga e integrimit europiane dhe e integrimit mes veti në rajon, mes të gjitha vendeve. S’kam pikën e dyshimit që më herët se vonë shqiptarët do të jenë shumë më bashkë seç janë sot.
Nuk ka asnjë ëndërr që njeriu e shikon me sy hapur që nuk bëhet dot realitet. Por sigurisht duhet vizion, duhet projekt dhe duhet një vullnet i hekurt për të përballuar të gjitha vështirësitë, përfshi edhe vështirësitë artificiale që krijojnë armiqtë e asaj ëndrre.
Ëndrra juaj ishte që të bëheshit Kryeministër i kësaj Shqipërie apo i një Shqipërie të jetueshme për të gjithë?
Unë nuk jam bërë Kryeministër për të vazhduar avazin e vjetër. Unë kam kërkuar besimin për ta marr këtë detyrë për të çelur një epokë të re. Koha do të provojë që kjo epokë e re ka filluar të çelet. Por, hap pas hapi, gjithmonë e më shumë, njerëzit do të vetëdijesohen për këtë, jo sepse e them unë, por se do ta tregojë trupi me ripërtëritje i Shqipërisë, i ekonomisë së saj, i shoqërisë së saj.
Faleminderit zoti Kryeministër!
