Në 50-vjetori i i themelimit të Akademisë së Shkencave, kryeministri Edi Rama është shprehur se gjuha shqipe është e kërcënuar. Sipas tij gjithë ato që thuhen dhe ato që ndërmerren për gjuhën shqipe në rendin e pavërtetë pseudo-akademik janë në fakt maja e ajsbergut që po e gërryejnë nga poshtë përmes shpërdorimit të saj.
“Gjuha shqipe është e kërcënuar si asnjëherë më parë. Gjithë ato që thuhen dhe ato që ndërmerren për gjuhën shqipe në rendin e pavërtetë akademik, pseudo-akademik janë në fakt maja e ajsbergut që po e gërryejnë nga poshtë përmes shpërdorimit të saj në një botë komunikimi ku askush më nuk e ka mendjen sa saktë i shkruan fjalët por e ka mendjen që t’i bëjë ‘send’ sa më shpejt.
Fjalori i madh i Gjuhës Shqipe do të jetë një gur themeli për të forcuar atë themel të jashtëzakonshëm që vendosën etërit themelues të Akademisë së Shkencave. Besoj se gjuha e unifikuar shqipe është një nga pasuritë më të mëdha të shqiptarëve dhe një nga ata thesare që askush nuk duhet lejuar t’i prekë apo t’i shpërdorojë”, është shprehur Edi Rama.
/a.r
