Edi Paloka në një prononcim për mediat garantoi se kriza politike do marrë fund me largimin e kryeministrit Edi Rama. Nënkryetari i Partisë Demokratike, u shpreh se Rama është në agoninë e tij dhe se fundi po i vjen nga vala popullore që është ngritur kundër këtij pushteti arrogant e kriminal.
“Fundi është vetëm një.
Nuk ka kthim. Kjo krizë politike, institucionale, politike ka vetëm një fund, largimin e Ramës nga pushteti dhe nuk ka asgjë tjetër.
Akti më ekstrem dhe më i madh, ajo e djegies së mandateve është kryer.
Ky pushtet i ka ditët e numëruara. Këtu nuk ekziston asgjë. Kemi parlament ilegjitim, të mbushur me hajdutë dhe kriminelë brenda.
Ka drejtësi pa Gjykatë Kushtetuese, pa Gjykatë të Lartë dhe ndaj kjo histori nuk mund të vazhdojë.
Do të kthehet gjithçka shpejt në makth”, tha Paloka.
/a.meta
