Edhe në ditë pushimi nuk ndalojnë akuzat e PD-së. Partia Demokratike ka bërë një tjetër denoncim këtë të dielë, drejtuar qeverisë shqiptare. Ka qenë nënkryetari i selisë blu, Edi Paloka i cili në në një dalje për mediat ka bërë të ditur se një person i shpallur në kërkim ndërkombëtar nga Italia, ka vijuar i qetë punën si biznesmen në Shqipëri.
Sipas Palokës bëhet fjalë për Edmond Bejkon. Paloka tha se Bejko ishte i shpallur në kërkim, anëtar i bandës së Aldo Bares dhe se jetonte i lirë në Shqipëri.
Sipas demokratit, personi në fjalë ka lidhje me pushtetarë të lartë në Shqipërië, edhe pse është dënuar nga autoritetet italiane.
“Si është i mundur që një trafikant droge i shpallur në kërkim ndërkombëtar është arrestuar nga policia greke dhe jo ajo shqiptare? Pse policia mbyll syte dhe personi në fjalë jo vetëm nuk arrestohet por vijon i qetë biznesin në Shqipëri? A është Taulant Balla personi që ka marrë në mbrojtje trafikantin dhe vijon biznesin me të?” tha mes të tjerave Paloka.
