Edhe Thaçi si Vuçiç, me dyshim për ndeshjen Shqipëri-Serbi!
Ende nuk është e sigurt nëse zv.kryeministri i Republikës, Hashim Thaçi, do të marrë pjesë në ndeshjen e 8 tetorit ndërmjet Shqipërisë dhe Serbisë. Këshilltari i kryediplomatit, Ardian Arifaj, në një prononcim mediat kosovare ka thënë se ende nuk është zyrtare shkuarja e Thaçit në “Elbasan Arena”.
“Gjithçka varet prej agjendës që ka, por nuk ka diçka zyrtare”, ka thënë shkurt ai. Po ashtu edhe kryeministri i Serbisë, Aleksandar Vuçiç, ende nuk ka vendosur nëse do të shkojë në Shqipëri për të ndjekur ndeshjen e shumëpërfolur ndërmjet Shqipërisë dhe vendit të tij.
