Nëntë shërbime të ofruara për bizneset dhe dy për individët nga Drejtoria e Përgjithshme e Tatimeve, tashmë do të ofrohen online. Lajmin e ka bërë të ditur vetë ministrja e Financave Anila Denaj, e cila ditën e sotme ka vizituar mjediset e Shërbimit të Tatimpaguesve në Tiranë.
Ministrja u shpreh se risia e shërbimeve online do të ndihmojë në reduktimin e kohës së harxhuar për marrjen e një dokumenti, si dhe do të shmange radhët dhe burokracitë.
“Drejtoria e Përgjithshme e Tatimeve ofron 👉 1️⃣1️⃣ shërbime automatike online, që lëshohen elektronikisht nëpërmjet portalit e-albania, nga të cilat 9 janë për subjekte dhe 2 për individë ✅
Me Drejtoreshën e Përgjithshme të Tatimeve, Delina Ibrahimaj vizitova sot mjediset e Shërbimit të Tatimpaguesve në Tiranë, ku theksova se të gjithë proceset e integruara online brenda administratës publike janë një risi shumë e rëndësishme e këtij viti.
Kjo do të ndihmojë në përdorimin sa më efektiv të kohës ⏱ nga ana e individëve dhe tatimpaguesve si dhe për të siguruar shkëmbimin e informacioneve sa më të sakta ✔
3️⃣5️⃣0️⃣ mijë aplikime janë bërë nga qytetarët dhe tatimpaguesit për shërbimet online që ofrohen nga Administrata Tatimore, për vitin 2019”, thekson ministrja Denaj në postimin e saj në Facebook. /e.s/
