Djali i ish-kryeministrit Sali Berisha, Shkëlzeni, së fundi është mjaft aktiv në rrjetet sociale duke kritikuar kryeministrin Edi Rama.
Nuk mungojnë ironitë ndaj Ramës nga ana e Shkëlzenit, dhe këtë herë ai ka komentuar vizitën e pasardhësit të babait të tij në Shtetet e Bashkuara të Amerikës.
Komenti i Shkëlzen Berishës lidhet me një deklaratë të ramës në “Top Story”. Rama tha se në vitin 2009, duke ndjekur garën presidenciale i kishte premtuar këshilltarit të tij Endri Fuga se një ditë do takonin në Shtëpinë e Bardhë Obamën.
“Në Denver në 2008, isha bashkë me Endri Fugën dhe Fuga më thotë do Zoti fiton Barack Obama. Unë i thashë që ky do të fitojë dhe do të bëhet President i SHBA dhe t’i do të jesh me mua kur ta takojmë në Shtëpinë e Bardhë. Këtë i treguam Presidentit mbi Denverin”,- tha Rama dje në Top Channel.
Në lidhje me këtë deklaratë, Shkëlzen Berisha shkruan se më në fund Rama e mbajti këtë premtim.
“Më në fund Rama e mbajti një premtim: Takoi Endri Fugen me presidentin Obama”,- shprehet Shkëlzen Berisha.
