Ushtari i ISIS, Ridvan Haqifi (Al Kosovi) bashkë me Abu Bilqis (Al Albani), paralajmëruan Ballkanin për luftë në emër të hakmarrjes “ndaj atyre që kanë poshtëruar myslimanët” në Kosovë, Shqipëri, Maqedoni, Bosnje, Serbi etj.
Ridvan Haqifi, është 25 vjeçar nga Gjilani dhe është lindur në fshatin Bukovik.
Haqifi në kohën kur Lavdrim Muhaxheri kishte grisur pasaportën e Kosovës, ka qenë në krahun e djathtë të tij, transmeton Indeksonline.
Në një video të publikuar më parë shihet qartë Ridvan Haqifi i cili në dorë mbanë pasaportën e Kosovës, teksa Lavdrim Muhaxheri mbante fjalimin në gjuhën arabe, ku më pas të dytë i grisën pasaportat e Kosovës.
Muhaxheri atë kohë kishte thënë se pasaporta e Kosovës është një dokument qafirësh.
