Regjisori amerikan Quentin Tarantino dhe këngëtarja Cyndi Lauper janë të fundit në listën e të famshmëve që vitin e ardhshëm do të kenë yllin e tyre në Hollywood Walk of Fame në Los Anxhelos. Autoriteti i Hollywood për realizimin e tyre njoftoi këtë javë listën e personaliteteve të cilët në vitin 2016 do të marrin yjet e tyre.
Lista, përveç Tarantino dhe Cyndi Lauper, do të ketë dhe Kurt Russell, Michael Keaton, Rob Lowe, Kevin Hart, Steve Carell dhe Bruno Mars. Lista është përpiluar në bazë të propozimeve të Komisionit të Zbatimeve dhe agjentët e artistëve.
Ka pesë kategori për aplikimet, që përfshijnë të tilla si kontribute në film, televizion, radio, muzikë dhe teatër. Çdo artist mbetet më vonë të jetë vetë përgjegjës për yllin e tij, i cili kushton 30,000 USD. Hollywood Walk of Fame është një trotuar në një nga Bulevardet e Hollywood, i cili ka të gdhendur më shumë se 2400 yje me pesë cepa me emrat e njerëzve të famshëm e cila është një shpërblim në industrinë e artit zbavitës, si e quajnë amerikanët. Ylli i parë u dha më 9 shkurt 1960 dhe e mori Joanne Woodward.
