Kryetari i Prishtinës, Shpend Ahmeti, rrezikon të paditet për disa shkelje të pretenduara gjatë punës së tij si i pari i kryeqytetit. Të paktën kështu është paralajmëruar nga Grupi i Asamblistëve të LDK-së në Kuvendin Komunal të Prishtinës, të cilët kanë thënë se po përgatisin një kallëzim penal ndaj Ahmetit, raporton KTV. Por kjo nuk i ka bërë shumë përshtypje kreut të kryeqytetit, i cili ka thënë se kjo është hera e pestë në dy vjet që ai po kërcënohet nga asamblistët e LDK-së.
Ahmeti ka lënë të kuptohet që dosjet e dorëzuara në prokurori për Isa Mustafën, duhet të jenë arsyeja e vërtetë e këtij kërcënimi.