Arben Isufaj, i njohur ndryshe si “Ben Qimja”, është shpallur në kërkim pasi dyshohet se ka kërcënuar gjyqtarin e Gjykatës së Fierit.
Mësohet se zanafilla e sherrit ka nisur për një çështje që gjyqtari Vladimir Cjapi ka në ngarkim. Bëhet fjalë për çështjen gjyqësore “Kundërshtim i punonjësve të policisë”, ku i pandehur është një nga nipat e “Ben Qimes”.
Dyshohet se Isufaj i ka kërkuar ndihmë gjyqtarit, por ky i fundit nuk ka pranuar dhe për pasojë është pritur keq.
“Mbaje mend se çdo të të bëj, edhe mushkonjat e shtëpisë do ti vras”, dyshohet të jetë ky mesazhi kërcënues që Isufaj i ka dërguar gjyqtarit.
Menjëherë pas mesazhit, gjyqtari Cjapi bërë kallëzim në polici.
Nga kontrollet që forcat RENEA kanë bërë banesat, ambientet dhe automjet që janë në pronësi të 55-vjeçarit kanë gjetur dhe sekuestruar një pistoletë, një palë targa të huaja, jelek multifunksional si i Policisë, 2 pajisje DVR, 6 celularë dhe dokumente zyrtarë.
55-vjeçari akuzohet për veprat penale “Kanosja e gjyqtarit” dhe “Prodhimi dhe mbajtja pa leje e armëve, armëve shpërthyese dhe municionit”.
Sa për mushkonjat, mirë do të bënte, se pijnë gjakun e dynjasë duke sjellë infeksione të ndryshme.