Elton Deda ka përjetuar një situatë aspak të këndshme në lokalin e tij, pasi mbrëmjen e djeshme policia dhe tatimorët janë futur për kontrolle. Sipas postimit të bërë në Facebook nga këngëtari maratona e gjatë e vuajtjeve vijoi edhe më tej, pasi në komisariatin e policisë është shoqëruar një punonjës i stafit, pasi nuk kishte kartë identiteti me vete.
ja postimi i Dedës në Facebook:
“Ne Rockstock vijne tatimet, shoqeruar nga Policia e Shtetit. Kerkohen karta identiteti dhe kontrollohen objekte personale pa asnje lloj mandati.
Trajtohet si nje klub qe mbijeton me kokaine dhe hashash, gje qe s’ben vaki, se ndryshe nuk do thoshte nje polic i rajonit nr 3 “ore sa vite keni qe e keni hap???…”.
Dhe mbasi reprezalja i perzen njerezit e paqshem, merret basisti jone Franci Francesk Fjerca, futet ne makine se s’paska karte identiteti, futet ne biruce, e marrim me qetesi, e merr me qetesi, me qetesi mbahet larg familjes dhe 2 femijeve dhe gruas, me qetesi punon Policia e Shtetit me nje muzikant te gjore, ben procedurat e veta qe vetem policia angleze i ben me kaq devotshmeri dhe pastaj lirohet ne 5 te mengjesit, mbasi verifikon qe ky person s’ka rrezikshmeri!!
Po rrofshi e qofshi o Baballaret e Kombit!! Po rrofshi e qofshi o ligjvenes qe trashni qafen e barkun, duke bere te fortin me muzikante te ndershem! Ju admiroj seriozisht! Ja arritet dites qe tu respektoje njerezia per ndershmerine tuaj. Jua paçim borxh o baballare!”.
