Ministri i Punëve të Jashtme të Austrisë, Sebastian Kurz, gjatë një interviste ekskluzive për gazetën “Zëri” ka thënë se problemi i radikalizmit fetar dhe lufta me ‘Shtetin Islamik’, po e kërcënon e gjithë botën. Sipas Kurz, Kosova dhe Bosnja e Hercegovina kanë problemin e këtij fenomeni.
Kurz thotë ndër të tjera se edhe Austria ka më shumë se 250 luftëtarë të huaj që kanë shkuar në luftërate e Sirisë dhe Irakut me qëllim që ta mbështesin ISIS-in.
“ Ky problem nuk ka të bëjë vetëm me Kosovën. Gjithashtu nga Austria më shumë se 250 luftëtarë të huaj kanë shkuar në luftërat e Sirisë dhe Irakut me qëllim që ta mbështesin ISIS-in, por keni të drejtë, pasi kjo përbën një problem veçanërisht në Kosovë dhe Bosnjë e Hercegovinë. Dua të falënderoj Qeverinë për trajtimin e kësaj çështjeje si një kërcënim real për këtë shoqëri dhe për përkushtimin e tyre në luftën ndaj radikalizmit”, ka thënë Kurz.
Kurz ndër të tjera tha se këtë vit do të organizohet një konferencë me të gjitha vendet e Balkanit në lidhje më luftën kundër radikalizmit.
“ Ne do të organizojmë një konferencë për të gjitha vendet e Ballkanit Perëndimor këtë vit në lidhje me luftën kundër radikalizmit dhe ideologjisë së ISIS-it, në mënyrë që të dalim fitimtarë së bashku në këtë përballje, e cila mund të fitohet nëse veprojmë të bashkuar, pasi që radikalizmi përbën rrezikun kryesor për shoqëritë tona”,ka thënë Kurz./ZËRI
