Gjykata e Apelit të Krimeve të Rënda, ka shtyrë dhënien e vendimit për ish-ministrin e Brendshëm, Saimir Tahiri, i cili do të njihet me dënimin ose jo, ditën e premte më 26 qershor.
Kjo shtyrje erdhi pasi anëtari i ri i trupës gjykuese Dhimitër Lara, ka kërkuar më shumë kohë për tu njohur me dosjen.
Kjo pasi Lara zë vendin e gjyqtares Nure Dreni, e cila u shkarkua pak ditë më parë në kuadër të procesit të vetingut.
Fati për ish-ministrin është në dorën e treshes së gjyqtarëve Albana Boksi, Nertina Kosova dhe Dhimitër Lara.
Për ters apo jo, Saimir Tahiri sapo ka dalë nga gjykata është penguar në kabllot e televizioneve. Ai nuk ka pranuar të flasë për mediat, por në momentin e “incidentit” ka deklaruar “edhe kjo na duhej”. Vendimi për Tahirin u shty për në datën 26 qershor në orën 13:00.
POr në hyrje të gjykatës, Tahiri tha se, “Kështu e hanë të gjithë”.
Prokuroria kërkon dënimin me 12 vite burg për ish-ministrin, të cilin e ka kërkuar edhe në shkallën e parë të gjyqësorit.
Saimir Tahiri është akuzuar si i dyshuar për lidhje me grupin “Habilaj” që merrej me trafik droge drejt Italisë dhe se i krijonte lehtësi grupit në aktivitetin kriminal.
Ish-ministri u shpall fajtor dhe u dënua në shkallën e parë, vetëm për shpërdorim detyre me 3 vite e 4 muaj shërbim prove, duke u akuzuar se nuk kishte marrë masa për parandalimin e kanabizimit të vendit dhe nën akuzën e përfshirjes së efektivëve të policisë në këtë aktivitet kriminal.
g.kosovari
Saimir Tahiri eshte politikani me i mire qe ka patur ndonjehere SHqiperia!