Pas lidhjes më shumë se 2-vjeçare me stilisten Başak Dizer, aktori i njohur turk Kıvanç Tatlıtuğ, i ka dhënë fund beqarisë. Në një ceremoni romantike në qytetin e dashurisë, të premten në mbrëmje e gjithë vëmendja e mediave turke është transferuar në Paris. Amabasada turke në kryeqytetin francez, e dekoruar si asnjëherë tjetër, ka mirëpritur të afërm dhe miq të ngushtë të çiftit. Siç raportojnë mediat turke, mësohet se rreth 45 të ftuar kanë qenë të pranishëm në ceremoninë e mbajtur në Ambasadë, një pjesë e të cilëve kanë shpërndarë disa nga momentet më të mira të mbrëmjes në profilet e tyre sociale. Për fat të keq, e ëma e aktorit nuk ka mundur të marrë pjesë në dasmë për shkak të probleme shëndetësore, megjithatë e ka uruar të birin me një videomesazh. Mësohet se fundjavën çifti do ta kalojë në Paris, bashkë me të gjithë miqtë, ndërsa të hënën do të kthehen në Turqi. Darka e dasmës është mbajtur në “Shangri-La Hotel”, një nga hotelet më të shtrenjta në Paris me pamje nga Kulla Eifel. Kivanc Tatlitug dhe bashkëshortja e tij kishin rezervuar suitën e hotelit në të cilën kanë fjetur edhe Madonna e Jennifer Lopez. Çmimi i qëndrimit të tyre deri të dielën në mbrëmje mësohet të shkojë më shumë se 15 mijë euro.
