Elseid Hysaj është një nga futbollistët që konsiderohet i pazëvendësueshëm për skuadrën Napolit
Mirëpo, në ndeshjen e fundit, Elseid Hsyaj nuk ishte në një ditë të mirë, kur edhe u bë shkaktar i një penalltie. Kjo ka bërë që një prej napolitanëve të pranishëm në stadium të ofendojë mbrojtësin:“Merr një gomone dhe ktheu në Shqipëri”.E kjo ka bërë që një nga sajtet më të mëdhenj pranë skuadrës dhe qytetit, “Il napolista”, të mbajë një qëndrim për këtë akt.
“Na ka kthyer 30 vite pas ai që iu drejtua Hysajt me atë frazë. Pse merremi gjithmonë me Hysajn, Reinan ose Ruin?, ka shkruar sajti italian në lidhje me ofendimin e bërë ndaj shqiptarit.
“Pse ne napolitanët shohim gjithmonë gotën gjysmëbosh?! Në shumë raste, ne jemi të pashpirt në atë që themi dhe shohim. Shumë të tjerë vlerësojnë Napolin për lojën dhe elementet që ka, ndërsa ne edhe në periudhë festive kritikojmë”, shkruhet në fund, përgatiti ”Express”. (b.an)
