Janë ngritur dyshime për trukime të ndeshjeve në sportin e bardhë, ndërsa në lidhje me këtë ka folur tensti serb, Novak Gjokoviç. Numri një i botës ka thënë se atij i kishin ofruar 200 mijë euro për të trukuar një ndeshje tenisi dhjetë vjet më parë, raporton The Guardian.
BBC ka raportuar sot se ka gjetur të dhëna se në trukime janë të përfshirë 16 tenistë që renditen në top 50, transmeton Koha.net. “Njerëzit janë duke folur se kush mund të jenë këta lojtarë. Por, aty nuk ka ndonjë dëshmi që vërteton se janë të përfshirë lojtarët aktiv, dhe përderisa është ashtu, është vetëm një spekulim”, ka thënë Gjokoviç. Ndërsa më tutje ka thënë se ka refuzuar një ofertë prej 200 mijë euro në vitin 2006, ai ka thënë: “Nuk më janë ofruar direkt. Mirë, më ishin ofruar përmes njerëzve që në atë kohë punonin në ekipin tim. Natyrisht, ne e refuzuam këtë. Madje as nuk kishte mbërritur te unë personi që ka bërë këtë”.
