Nga Ylli Manjani
Përgjatë shqyrtimit paraprak të akuzave kunder një ish-shtetasi Jugosllav, për një sasi prej 15 000 kg cocainë të futur në SHBA në vitin 2019, gjykata në New York nuk pranon të dhënat e SKY ECC si provë.
Ashtu siç janë paraqitur ato të dhëna nuk janë të BESUESHME- thotë gjykata. Nëse prokurorët japin më shumë të dhëna mbi mënyrën se si u përftuan ato të dhëna, si u dekriptuan, si erdhën të paprekura deri në sallën e gjyqit dhe mbi besueshmërinë e tyre, atëherë gjykata mund të rikonsiderojnë vendimin e vet.
Të gjithë gjykatësit normal në perëndim, tashmë përfshi dhe SHBA, i bëjnë testin ligjor çdo të dhëne që prezantohet si provë në një proçes penal.
Si u mor kjo provë, sepse sipas kushtetutave demokratike, askush nuk mund të akuzohet, gjykohet e dënohet me prova të marra në mënyrë të paligjshme. Në Shqipëri kjo gjendet në nenin 32 të Kushtetutës.
Më tej, sa autentike janë të dhënat e sky ecc? Nuk mund të krijosh bindje të drejtë mbi të dhëna të pabesueshme, ku fusin duart lloj lloj agjensish e personash.
Janë disa pyetje që nuk kanë përgjigje:
Si i morën të dhënat?
Si u dekriptuan ato?
Si u transportuan nga autoritetet Franceze tek organet e ndjekjes penale të vendeve të tjera?
Pse ato të dhëna i përkasin personave të akuzuar?
Me pak fjalë çfarë garancish jep Franca për autenticitein e të dhënave që ka vjedhur nga bisedat e kriptuara të shtetasve të botës?! Shtetas të cilët nuk i njeh dhe as nuk i ka në ndjekje penale atje. A mund të japë garanci afranca për dekriptimin që ka bërë policia Hollandeze, ku kjo e fundit ka hakeruar/vjedhur kodet e sigurisë në sistemin e SKY?
A mund të dënohet dikush me të dhëna private të vjedhura në mënyrë masive?!
Le pastaj mjaftueshmëria e këtyre të dhënave si prova. A mund të krijohet bindje përtej dyshimit të arsyeshëm bazuar në dia fjalë që sdihet se si janë marrë/vjedhur dhe sdihet se sa të vërteta janë?!
Këto pyetje shtroi dhe gjykata e New York-ut ndaj dhe vendosi të mos i marrë si prova këto të dhëna.
Modestisht, ne avokatët kemi 2 vite aë i kërkojmë këto gjëra nga gjykatat tona të reformuara, por hiç!!!
Me vendosmëri vijojmë ti sjellim në vemendje drejuesit të SPAK raste nga gjykatat në perëndim, të cilat një e nga një po rrëzojnë SkY ECC për të njëjtat pretendime kushtetuese e ligjore që kemi dhe ne këtu.
Kemi sjellë praktika nga gjithë bota, meqë gjykatësit tanë kushtetues nuk i donin nga ballkani se medemek “ballkanasit janë të korruptuar”…. Kështu thoshin nën zë “të ndershmit” gjykatës të Kushtetutës sonë…
Ja ku i keni!
Plasini sytë se tashmë po flet gjithë perëndimi në një gjuhe. Prova duhet të merret në rrugë të ligjshme. Ky është parim,garanci dhe jo dëshirë gjykatësish apo protagonizëm prokurorësh.
Askush nuk e ndalon arsyetimin tek fakti se “na erdhi me letërporosi”. Jo! Të gjithë merren me përmbajtjen dhe procedurën e marrjes së provës.
Pyetja është si mund të përdoret si provë një përgjim/hakerim të dhënash masive? Pra jo të marra nga një vendim gjykate për person konkret..
Këtë gjë ka thënë edhe Gjykata Europiane e Drejtësisë që vjet në shkurt. Prej saj të gjithë gjykatat normale reaguan, sepse i drejtojnë kushtetutat dhe ligjet e vendeve të tyre.
Tashmë edhe gjykata Amerikane ngre të njëjtat pyetje.
Vetëm gjykatat tona, nën drejtimin e SPAK nuk tuten.
Këto pyetje mbeten enee pa përgjigje në sistemin e drejtësisë së reformuar të shqipërisë.
Dua të theksoj se këtu nuk po mbrojmë interes personal, por po ngremë një shqetësim publik se sa të pasigurtë jemi të gjithë ne nga një drejtësi penale abuzive. Nga një drejtësi që merret me llafe dhe jo me prova.
****
Edhe një gjë me këtë rast, po të mos ishin llafet e SKY ECC ça rezultatesh do kishte SPAK?!
Pa mendojeni pak..!
