Ylli belg, Eden Hazard ka qetësuar tifozët e Chelseas. Ai ka thënë se planifikon të qëndroj edhe për disa vite në Stemford Bridge.
Kjo deklaratë e Hazardit ka ardhur pas raportimeve të mediave se do të transferohet në Real Madrid gjatë kësaj vere.
“Jam mirë këtu. Jam në një nga klubet më të mira në botë dhe mendoj se do të qëndroj për disa vite. Unë jam shumë i lumtur”, ka deklaruar Hazard.
“Ju mund të shihni në fushë se unë jam i lumtur.
Sezonin e ardhshëm ne do të jemi në Ligën e Kampionëve, por ne duam ta mbajmë edhe trofeun e Premierligës’, ka theksuar ai.
Hazard aktualisht ka kontratë me Chelsea deri në vitin 2020, por klubi thuhet se është i gatshëm të shpërblejë lojtarin me një kontratë të re.
Hazard ka zhvilluar 248 ndeshje me Chelsean dhe ka realizuar 50 gola, citohet ”Express”. (b.an)