Këngëtari i njohur britanik, Ed Sheeran, ka treguar se tashmë ka gati kolonën zanore për filmin “James Bond” në rast se regjisori do t’ia kërkonte.Këngëtari i “The Perfect” ka zbuluar këtë informacion në një intervistë të emisionit “The Late Late Shoë”, transmeton Koha.net. Ai tregoi se kolonën zanore për Bondin e ka shkruar tre vjet më parë në rast se do ta pyesnin ndonjëherë.
“Për Bondin, kolonën zanore e kam shkruar rreth tre vjet më parë, për çdo rast”, tha Sheeran. Por, kur është pyetur nga prezantuesi i emisionit a i kanë kërkuar ndonjëherë që të bëjë një kolonë zanore për këtë film, ai është përgjigjur duke bërë shaka “Err, jo”. Pse presin ata?
Kjo nuk është e vetmja gjë që ka bërë këngëtari 26 vjeçar, sepse ai zbuloi edhe se, para bashkëpunimit me Eminem për këngën River, ai e ka pasur pothuajse të gatshme atë [këngën].
“Së fundmi kam kompozuar një këngë me heroin tim të të gjitha kohërave, Eminemin, dhe kur e bëmë këngën së bashku planin e këngës e kisha gati”, zbuloi këngëtari britanik. “Sepse thosha në vete ‘nëse ndonjëherë do të punoja me Eminemin, do ta bëjë këtë këngë’”, përfundoi ai. (b.an)
