4 drejtues mjetesh janë arrestuar dhe 14 patenta janë hequr gjatë monitorimit të policisë vetëm për 5 orë në aksin Tiranë-Elbasan dhe konkretisht në Sauk-Teg , ku abuzimi me shpejtësinë është shumë e madhe nga drejtuesit e mjeteve.
Vetëm në 5 orë, policia ka hequr 14 patente pasi mjetet ‘fluturonin’ në rrugë me 139 km/h – 167 km/h në aksin Sauk-Teg.
Gjithashtu pas kryerjes së testit të alkoolit, janë arrestuar 4 drejtues mjetesh, të cilët janë konstatuar duke drejtuar mjetet në gjendje të dehur në rrugë të ndryshme të kryeqytetit.
Policia bën apel për drejtuesit e mjeteve që të respektojnë rregullat e qarkullimit rrugor për të mbrojtur jetën e tyre dhe të qytetarëve të tjerë.
/b.h
