Demokratët nuk ndalin “shpërthimet” dhe akuzat ndaj Lulzim Bashës, duke e konsideruar përgjegjës për humbjen e zgjedhjeve më 25 prill dhe “pengmarrës” të karriges së kryetarit të PD.
Demokratët e zhgënjyer akuzojnë Bashën se po bën një “lojë të pisët” me zgjedhjet brenda Partisë Demokratike, duke thënë se ai po i vjedh sërish, vetëm se këtë herë edhe më hapur.
“E vetmja arsye e dështimit je ti Lulzim Basha!
Ti vodhe zgjedhjet brenda partisë herën e parë, edhe më hapur po i vjedh këtë herë!
Vetëm zgjedhjet e partisë, sepse te gjitha zgjedhjet e tjera ti marrin, sepse ti je dështim, ti je i pafytyre, ti je i shitur.
Kushdo që të vijë në krye të PD do të jetë më mirë se Ti, sepse më keq nuk ka ku shkon.”, shkruan një qytetar.
Demokratët të “dëshpëruar” kërkojnë largimin e Bashës dhe nuk kanë pretendime për zëvendësuesin, pasi mendojnë se kushdo që të shpallet kryetar, me siguri do të jetë më i mirë.
“Lulzim Basha (je më I miri, je më i bukuri je më evropiani je kryetari që e çon PD nga fitorja në fitore etj etj). Bëji një nder vetes partisë dhe gjithë demokratëve lësho karrigen se nuk është pronë e tyt eti. Jepi shpresë Shqipërisë dhe demokracisë. Këtë po ta thotë 30 vjet anëtarë e PD po qe nuk ka asnjë lloj interesi dhe asnjë lloj lidhje me asnjë nga kundërshtaret tuaj”, shkruan qytetari.
“Pas 25 Prillit ju duhet ta kishit shkrire kryesin e PD dhe vetëm me demokratët e ndershëm të vazhdonit rrugën për largimin e bandës së sotme qeveritare që mban peng lirinë e shqiptarëve.”, shkruan një tjetër komentues.
“Basha e ke lejuar për 8 vite. Largohu dhe kontribuo nga jashtë për bashkimin e demokratëve. Je humbës i përsëritur!”, shprehet demokrati.
