Një antropolog nga Kalifornia ka rrëfyer për mediat dhe adhuruesit e teorive konspirative ato që pa gjatë një udhëtimi të fshehtë në shkretëtirën e Nevadës, ku u përball me ngjarjet e çuditshme që ndodhin në Zonën 51 .
Jerry Freeman nuk ishte në kërkim të UFO-ve apo projekteve sekrete qeveritare kur kaloi në terrenin e bazës së ndaluar ushtarake. Ai në fakt po ndiqte gjurmët e “pionierëve” të 1849-ës që shkonin drejt perëndimit në kërkim të arit.
Megjithatë, kjo rrugë e çoi Freemanin përmes një pjese të Nevadës të kufizuar nga Forcat Ajrore të SHBA-së, duke e detyruar atë të udhëtonte natën për të shmangur patrullat e sigurisë.
Gjatë një nate të këtij misioni njëjavor, Freeman vuri re një skenë të pabesueshme pranë liqenit Papoose, i vendosur në kontenë Lincoln që disa kanë pretenduar se fsheh një hangar sekret të anijeve kozmike aliene të njohur si ‘S-4’.
Freeman i tha gazetarit dhe studiuesit të UFO-ve , George Knapp se një portë u hap papritur në mes të ajrit pranë liqenit Papoose, duke lëshuar një dritë të ndritshme blu përpara se të mbyllej dhe të zhdukej plotësisht në peizazhin e shkretëtirës.
“Më dukej si një shtrat i thatë liqeni, asgjë tjetër, por natën ishte një histori tjetër”, zbuloi Freeman.
Freeman zbuloi gjithashtu se ndjeu dridhje të ngjashme me një tërmet, ndërsa shikoi skenën e çuditshme të shpalosur për rreth dy minuta në bazën top sekret.
Megjithëse detajet e sakta që rrethojnë Zonën 51 janë ende kryesisht një mister, është spekuluar gjerësisht se ushtria përdor objektin për të testuar avionë eksperimentalë.
Baza ndodhet në një trakt afërsisht 60 milje katrore që përfshin pjesën më të madhe të liqenit të thatë Groom, dhe besohet se shtrihet afër skajit verilindor të një mali, i cili qëndron midis liqeneve të thatë Groom dhe Papoose.
