Ka kaluar më shumë se 6 vite që kur këngëtarja me famë botërore Amy Winehouse humbi jetën, por ajo është ende prezente në jetën e përditshme sipas babait të saj.
Mitch tha për The Sun se e viziton fantazma e vajzës së tij të ndjerë në shtëpi.
Ai u shpreh se shpirti i Amy vjen dhe ulet në fund të shtratit të tij në Kent në Anglinë juglindore.
“Ne kemi momentet tona, veçanërisht në ditëlindjen e saj, më 14 shtator. Është e vështirë. Pas tre vitesh isha duke menduar se ndoshta një ditë ajo do të kthehej. Amy u kthye, jo fizikisht por shpirtërisht gjatë gjithë kohës,”-tha ai. “Fryma e saj vjen dhe ulet në fund të shtratit tim. Vetëm ulet aty dhe duket sikur me fytyrën e saj të bukur vetëm më shikon. Por është ngushëlluese në një mënyrë për të ditur se ajo është këtu dhe përreth meje.”
Mitch tha gjithashtu se Amy, e viziton atë dhe gruan e tij Jane në fomën e një zogu, që duket njësoj si zogu që këngëtarja kishte tatuazhuar në krahun e saj.
“Është vetëm një zog, por unë jam i sigurtë që është ajo.”
Mitch themeloi Fondacionin Amy Winehouse për të mbështetur të rinjtë që luftonin me problemet e drogës dhe alkoolit.
