Pamja e përfaqësueses për Politikë të Jashtme në BE Federika Mogherini, e cila u përlot për ngjarjet e Brukselit gjatë një konference shtypi duket se nuk i kanë prekur të gjithë. Ka nga ata madje që kritikojnë ashpër dhe e cilësojnë një turp. Politikania italiane Giorgia Meloni thotë se përlotja e Mogherinit tregon dobësinë e Evropës.
“Më erdhi turp kur pashë një skenë të tillë. Lotët e Mogherinit tregojnë se sa e dobët është Europa përballë terrorizmit. Ajo duhët të japë dorëheqjen pas asaj që bëri. Dje ishte ditë e ngushëllimeve, ndërsa sot e polemikave. Unë ndjehem e turpëruar që përfaqësohen në Parlamentin Europian nga Federica Mogherini. Ajo është simboli i një Europë të dobët dhe të pafuqishme”, shtoi ajo.
