Vdes shqiptari Dritan Mecaj. Mediat italiane raportojnë se 43-vjeçari humbi jetën ditën e djeshme, pak pas orës 11.30, në Cessalto brenda kantinës Corvezzo. Shqiptari u mbyt teksa punonte brenda një rezervuari çeliku, në një autoklavë, që përdoret zakonisht për të ruajtur verën.
Mjekët dhe infermierët e Suem 118 ndërhynë në vend dhe u përpoqën më kot për të ringjallur punëtorin, i cili humbi jetën. Mecaj jetonte prej shumë vitesh në Itali dhe punonte në Vreshtinë Corvezzo që nga viti 1992, ishte i martuar me një shqiptare dhe ishte baba i një djali 11-vjeçar.
“Na la shumë përshtypje, ngushëllime të mëdha për familjen e tij: ai ishte i punësuar prej vitesh, një punëtor i madh”: tha kryebashkiaku i Cessalto, Emanuele Crosato.Treviso Today
