Djali 5-vjeçar, i cili u transportua në gjendje të rëndë në spital ka ndërruar jetë. I mituri u shtyp në mënyrë aksidentale nga babai i tij me traktor, teksa ky i fundit ishte duke punuar.
Ngjarja e rëndë ka ndodhur në fshatin Sheqeras të Maliqit, rreth orës 17:00. Burri ka qenë duke ngarë mjetin traktor para oborrit të stallës kur ka shtypur djalin e tij.
Në vendin e ngjarjes ka shkuar policia që është duke punuar për zbardhjen e plotë të rrethanave të ngjarjes.
Informacion paraprak
Më datë 03.10.2020, rreth orës 17:00, shtetasi E. B., duke manovruar me një mjet tip traktor, në oborrin e stallave në fshatin Sheqeras, Maliq, aksidentalisht ka dëmtuar djalin e tij shtetasin A. B., rreth 5 vjeç, i cili ndodhet në Spitalin e Korçës, aktualisht në gjendje të rëndë shëndetësore.
Grupi hetimor po punon për sqarimin e rrethanave të ngjarjes.
