Njerka përbindësh, e cila vrau djalin 6-vjeçar të partnerit të saj është dënuar me burgim të përjetshëm, ndërsa babai i fëmijës me 21 vite burgim, pasi nuk u kujdes për të birin.
Emma Tustin, 32 vjeç, vrau djaloshin duke i shkaktuar një lëndim fatal në kokë, në shtëpinë e saj në Solihull, Angli, më 16 qershor të vitit të kaluar.
Ajo fotografoi trupin e pajetë të 6-vjçarit, të shtrirë në dysheme, dhe i dërgoi foton babait të tij Thomas Hughes, 29 vjeç.
Si rrjedhojë babai u dënua për vrasjen e të birit nga pakujdesia dhe neglizhenca.
Mediet e huaja shkruajnë se përpara goditjes fatale, njerka e torturoi deri në vdekje të voglin, duke e lënë të uritur për bukë, ndërsa 6-vjeçari i lutej për ushqim.
Gjyqtari i çështjes, Mark Walli ka deklaruar se kjo është “një nga çështjet më shqetësuese” me të cilat është përballur ndonjëherë.
Ai tha se asnjëri nga të pandehurit nuk kishte treguar pendim dhe se sjellja e tyre kishte qenë “e keqe dhe sadiste”./m.j
