Ardhja e Ronaldos në Shqipëri u prit me shumë bujë nga media dhe tifozët e shumtë. Dëshira për ta takuar ishte e madhe dhe për këtë arsye siguria për të ka qenë thuajse e hekurt.
FSHF në bashkëpunim me Policinë e Shtetit kishin marrë masa të forta për mbarëvajtjen e ndeshjes por edhe për sigurinë e yllit portugez të Realit.
Megjithëse nuk u bënë publike për mediat masat e marra për mbrojtjen e Ronaldos ishin të shumta, që nga helikopterët të cilët patrullonin vazhdimisht “Elbasan Arenën” deri te snajperët që ishin vendosur rreth stadiumit.
Edhe Garda e Republikës ishte angazhuar për këtë takim për shkak edhe të personaliteteve të shumta të politikës shqiptare që ishin në stadium për të ndjekur ndeshjen. (Tema)
