Donald Trump quajti sot kryeministrin kanadez Justin Trudeau “me dy fytyra” pasi ishte regjistruar nga kamera në pallatin mbretëror britanik duke u talluar me presidentin.
Trudeau, Emmanuel Macron e Boris Johnson u regjistruan në një mikrofon të hapur në pritjen e NATOs në Buckingham Palace duke bërë thashetheme për Trump.
Presidenti u pyet për këtë nga gazetarët gjatë takimit me kancelarin gjermane Angela Merkel.
‘Nuk e di si është puna me Trudeau, ai është djalë i sjellshëm,’ tha presidenti pasi u mendua pak.
Trump tha se Trudeau mund të jetë tallur me të pasi e kishte mërzitur një ditë më parë në takimin e tyre me çështjen e pagesave të Kanadasë për mbrojtjen në NATO.
‘Ai është djalë i mirë por unë i përmenda faktin që Kandaja nuk po paguan 2 për qind të buxhetit në NATO dhe u mërzit për këtë’, tha Trump.
‘Ata duhet të paguajnë 2 për qind, po flasim për Kanadanë. Ata kanë para. Unë përfaqësoj SHBA”, tha Trump.
Trudeau tha më herët se Kanadaja ka arritur të paguajë për mbrojtjen 1.4 për qind të buxhetit dhe po vazhdon të avancojë përpara.
Edhe Trump e pranonte këtë dhe tha se po bëheshin përparime. /e.s/
