Një e re u ka shkruar një letër miqve të saj, të cilët ajo tha se e ngacmuan atë në lidhje me depresionin e saj, anoreksinë dhe “sepse ajo ishte e varfër” para se t’i jepte fund jetës së saj, u tha në një hetim gjyqësor.
Ashleigh Bowes 14 vjeçare, u gjet e vdekur në shtratin e saj në Macclesfield në Angli, me 30 gusht të vitit të kaluar. E kjo, pasi ajo kishte përdorur dozë fatale, për trajtimin e ankthit, shkruan The Independent.
Në letrën drejtuar miqve ajo shkruan “Kam menduar se do ta kuptonit. Unë s’mund të duroja më. Ju ishit shumë të ashpër. Kur u largova nga parku unë qaja. Depresioni të dhembë. Anoreksia po ashtu. Këtu nuk ka vend për shaka. Fjalët të vrasin. Nuk i kam mundësit për lukse sikur tuajat”, kishte shkruar në letër ajo.
Nëna e vajzës, Susan Bowes, tha në gjykatë se Ashleigh kishte filluar të ndihej keq para një viti. Ajo mendonte se dëgjonte zëra që i thonin asaj të mos hante, transmeton lajmi.net.
Më vonë asaj iu dha terapi kundër depresionit dhe për të trajtuar çrregullimin e oreksit.
Bowes tha se një natë para vdekjes së saj, Ashleigh e vendosi lepurin e saj larg, puthi nënën dhe u ngjit në shtrat ku edhe u gjet e vdekur.
