Kryeministri Isa Mustafa ka shpëtuar dështimin e marrëveshjes për kufirin me Malin e Zi, duke e tërhequr nga procedura e votimit në Kuvend.
Ratifikimi do të dështonte sikur votimi do të zhvillohej, ngaqë subjektet në pushtet nuk i kishin 80 vota sa kërkon Kushtetuta për ta vënë në fuqi një marrëveshje ndërkombëtare, shkruan Koha Ditore.
Në një rrethanë të tillë, ekzekutivi do të detyrohej ta rinegocionte marrëveshjen me fqinjin perëndimor. Këtij zhvillimi, në opozitë i kanë dhënë dy interpretime.
LVV-ja e ka konsideruar si votim dhe dështim të demarkacionit. AAK-ja e Nisma, ndërkaq, e kanë konsideruar të pajustifikueshëm tërheqjen e projektligjit dhe kanë thënë se kjo është bërë me qëllim që Qeveria të blejë kohë për të rritur presionin mbi deputetët për të dhënë votën pro. (b.an)
