Këshilli i Sigurisë Kombëtare i ka paraqitur Presidentit Trump mundësitë për të ndalur kërcënimet bërthamore të Koresë së Veriut, shkruan “New York Post”. Ato përfshinin edhe vrasjen e diktatorit të saj, Kim Jong-un, dhe vendosjen e armëve bërthamore amerikane në Korenë e Jugut.
Duke cituar burime ushtarake dhe zyrtarë të lartë të inteligjencës amerikane, “NBC Neës” raporton se të dy skenarët janë duke u zhvilluar gjatë takimeve të Presidenit Trump këtë javë me liderin kinez, Xi Jinping.
Zyrtarët amerikanë shpresojnë që udhëheqësi kinez do të bindë aleatin e saj të Koresë së Veriut, nëpërmjet sanksioneve apo diplomacisë, të tërhiqet.
Nëse shteti vetmitar vazhdon në rrugën aktuale dhe testimin e armëve bërthamore, Këshilli amerikan mund të vërë në zbatim kundërpërgjigje shumë më të forta, thonë zyrtarët e inteligjencës amerikane. (b.an)
