Një grup i organizuar nga Gana ka drejtuar një ambasadë amerikane të rreme për dhjetë vjet dhe ka lëshuar viza të vërteta për 6 mijë dollarë, bën të ditur BBC, transmeton Koha.net.
Nga Departamenti i Shtetit është konfirmuar se qytetarët e Ganës dhe të Turqisë kishin drejtuar një ambasadë të rreme të kompletuar me flamurin e SHBA dhe portretin e presidentit Obama dhe kështu “të papenguar kanë vepruar gati një dekadë”.
Përveç kësaj theksohet se ndërtesa në të cilën ka qenë e vendosur ambasada e rreme kishte ngjarë gati plotësisht me ambasadën e vërtetë.
Siç ka shkruar për “Focus Afrika”gazetari Sami Darko, njerëzit që kanë shfrytëzuar shërbimet e saj me siguri asnjëherë nuk kanë qenë në ndonjë ambasadë, prandaj kanë besuar në ata që kanë punuar, pa ditur çfarë i pret. “Po ashtu brenda kanë parë njerëz të bardhë dhe kanë supozuar se ajo është ambasadë amerikane”.
Bëhet e ditur se tashmë janë disa të arrestuar.
“Mafiozët kanë drejtuar ambasadën e rreme të SHBA dhjetë vjet, aty është valëvitur flamuri, janë dhënë viza me kundërpagesë 6 mijë dollarësh”, shkruan Washington Post”.
Nga Departamenti i Shtetit theksohet se ambasada e rreme klientëve të saj u ka dhënë “viza legjitime për SHBA, të cilat i ka siguruara përmes mashtrimeve”, përgatiti Express. (b.an)
